किशोरीजी आ दुलहा सरकारके डोला घुमल

जनकपुरधाम–९गते अगहन । सीता–राम वियाह पञ्चमी महोत्सव अन्तर्‌गत आई किशोरी जी एवं दुलहा सरकारकेँ डोलाफेर कार्यक्रम आइ अखनु भेल अछि ।

बहुप्रसिद्ध जानकी मन्दिरस’ बहराएल किशोरी (सीता)जी एवं राममन्दिरक दुलहा सरकार (रामजी)केँ डोला ऐतिहासिक रङ्गभूमि मैदानमे डोला हेरफेर एवं माल्यापर्ण कार्यक्रम भेल ।

सीता–रामजीके लाखक लाख अनुयायी–लोकक हुजुमबीच भेल कार्यक्रममे जयसीयाराम जयसीयारम किशोरीजी की जय.. जयकार श्रद्धालुजनसब लगबैत किशोरीजीकेँ डोला रामजीकेँ डोलाकेँ रङ्गभूमि मैदान बारहबिघामे परिक्रमा कएलक ।

तेकराबाद पुनःडोलासब घुरिक जानकी मन्दिर प्राङ्गनमे अन्य विधि हेतु लाओल गेल । जतह आइए रातिमे विधिवत् सीताराम वियाह–विधिके कार्यक्रम होएत । जानकी मन्दिरके उत्तराधिकारी महन्त रामरोशन दास दुलहा सरकार दिसस’ आएल सन्तजनसभकेँ आगत भागत कएलन्हि ।
  

ईशापूर्व ५१२०मे बैशाक शुक्लनओमी तिथिदिन भूमिगर्भस’ सीताजी जन्मग्रहण कएने छलीह । किशोरी–सीताकेँ मात्र ६ वर्षक आयुमे वियाह भेल छल । कियक त’ साक्षात देवीक रुपमे जन्म ग्रहण कएने छलीह ।

वियाहक समयमेदशरथपुत्र रामजीके आयु १२ वर्षक छल । हुनक जन्म ईशापूर्व ५११४मे भेल छल । जनकनन्दनी माता जानकी–सीता छओवर्षक आयुमे वियाह योग्य भगेल छलीह ।
    

आइस’ सात हजार एकसय चालिस वर्ष जतेक पहिने मिथिलाधिपति शिरध्वज जनकके पुत्री सीताक वियाह हेतु धनुषयज्ञ आह्वान कएलगेल छल । जाहिमे तात्कालीन कौशलाधिपति अयोध्यावासी दशरथ पुत्र राम,लक्ष्मण विश्वामित्र मुनिसंग मिथिला नगरि जनकपुरधाम पधारने छलाह ।

फूलवारीमे फूल लाुड़ैतकाल सीतारामक पहिल भेंट भेल छल । पाछा धनुषयज्ञमे गणव्यवस्था मूलक समाजक अग्रदेव शिवक धरोहर पिनाक धनुष यज्ञमे  रामजीद्वारा खण्डित कएलाह पछाइत सीताकेँ स्वयंवर भेल छल । तेकराबाद वियाह–दान आदि कार्य सम्पन्न भेल छल ।
    

वियाह पञ्चमी महोत्सवमे प्राचीन ओ सबटा विधि–विधान नियम निष्ठासंग  जानकी मन्दिर,राममन्दिर सहितक एतुका प्रमुख मन्दिरसभके साधु सन्त महन्तसब निमाहैत आएल अछि ।

एहे विधि विधान सब देखलेल हरेक वर्ष लोक सीताराम वियाह महोत्सवमे जुमल करैत अछि । सप्ताह व्यापि प्रमुख कार्यक्रम सब कएल जाइत अछि । जाहिमे लाखक लाख लोक सामेल होइत अछि । अहूबेर तहिना लोकके सहभागिता रहल देखल जासकैए ।