नेपालीजी सन योद्धा बारेमे सबके जनतब होब’ चाहीःसभामुख मण्डल

जनकपुरधाम–१२गते,भादव । दू वर्ष पहिने आजुके दिन निर्भक पत्रकार प्रजातन्त्र तथा प्रेसस्वतन्त्रता सेनानी महामना राजेश्वर नेपाली हमरासभबीचस’ सदालेल विदाह भगेलाह । आइहुनक दोसर पुण्यतिथिक अवसर पर सप्ताहव्यापि विभिन्न कार्यक्रम आयोजन कएल गेल अछि । दलीत, गरीब बस्तीमे खाद्ययन्न बितरण बुद्धदिन कएलगेल छल ।

आइ बृस्पतिदिन बृक्षारोपन कार्यक्रम कएलगेल अछि । मधेश प्रदेशसभाक सभामुख रामचन्द्र मण्डलकेँ प्रमुख आतिथ्यमे कार्यक्रम भेल । बृक्षारोपन कएला पछाइत प्रमुख अतिथि मण्डल अपन विचार राखैत कहलाह–“जीवनमे जौं संघर्षक उदाहरण देल जाय त’ राजेश्वर नेपालीस’ बढि़क संघर्षशील नहि भेटत ।”

    जन्म–मृत्यु प्रकृतिक नीयम अछि । जे आएल छै ओ जएबे करतै ओ निश्चित अछि । मुदा, समाजमे जिनक योगदान छै, की योगदान छै ? ओहि बारेमे युवापुस्ताके जनतब होबक चाही ! प्रमुख अतिथि सभामुख मण्डल तर्क दैत “अनुशासन, कर्मनिष्ठताक उदाहरनीय, सच्चा आदर्शवादीवादी लोक नेपालीजीकेँ तुलना किनकोस’ भइए नहि सकैए” शब्द पर जोर दैत कहलाह ।

    स्वर्गिय नेपालीक पुत्र एवं जनकपुरधाम वार्ड नं.२३के वार्डअध्यक्ष राघवेन्द्र प्रसाद साहके सभापतित्वमे बृहस्पति दिनक कार्यक्रम भेल । “अखनु लोक नितान्त व्यक्तिवादी भगेल अछि । अपन आ अपनाकेँ बाहेक दोसर ककरो कएल कराओल काजकेँ सराहना करब, ओकरा बारेमे जनतब राखब, नीक–अधलाहक गप्प साकारात्मकरुपमे व्यक्त करब, ओहन भावना युवापुस्तामे हेराइत जा रहल अछि ।

तहिस’ नेपालीजी सन योद्धाक की आ केहन योगदान अछि ओहि  सम्बन्धमे  गाम, नगर, शहर–शहरकेँ जनतब होबक चाही ।”अपन धारना व्यक्त करैत सभामुख मण्डल ‘हरेक ठाम हुनका पर केन्द्रित कार्यक्रम कएल जाय । हुनका बारेमे आम युवाजमातकेँ खबरि होबक चाही, केहन आदर्शवादी, सत्यचरित्रक लोक छलाह’ सेहो कहलाह ।  

पत्रकारिताक धर्म जे नेपाली जी जाहि लगन मेहनत तटस्तता आ निडरपनास’ निर्वाह कएलाह आजुक समयमे ओकर मिसियोभरि धर्म पालन नहि कएल जारहल अछि । जाहिस’ वर्तमान पुस्ता अबगत होइक’ आ हुनक विचार प्रवाहस’ परिवर्तन आब सकैए ओहन काज कएल जाय, एहिमे हमरोस’ हाब’बाला योगदान हम करब लेल प्रतिबद्ध छी, सेहो आग्रह सहितक धारना अपन सम्बोधनमे सभामुख मण्डल प्रमुख अतिथि रुपमे रखलाह ।
  

 भिन्सर सातबजे भेल बृक्षारोपन कार्यक्रमे नेपाल पत्रकार महासंघ धनुषाक अध्यक्ष पुरन साह अतुलनीय पुरुष बरिष्ठ पत्रकार नेपालीजी हरेक परिवर्तनकारी कार्यमे हुनक पैघ योगदान रहल बतौलाह । ओ पत्रकारिताक्षेत्रक महारथी, सुच्चा कलमजीवी त’रहबे करथिन ।

प्रजातन्त्र, लोकतन्त्र, संघीय लोकतान्त्रिक गणतन्त्र एवं गरीब निमुखासभकेँ जीवनमे परिवर्तन आनब हेतु सेहो सदैब अपन कलमके बले, अपन ओजपूर्ण अभिव्यक्तिक मादे सम्बन्धित ठामसभमे बूलन्द आबाज रखैत छलाह । जेकरअखनु हमसभ दुइए बरिसमे अभाव अनुभूति कएरहल छी, अध्यक्ष साह कहलाह ।
    

मधेश प्रदेश सरकारक मातहतक निकाय ‘आमसञ्चार प्राधिकरणक कार्यवाहक अध्यक्ष सुरेश यादव अपन धारना रखैत कहलाह –“ अखनु त’ वाक स्वतन्त्रा देशमे छै । प्राविधिक एतेक आविगेल अछि जे पत्रकारिता सहज छै । तैयो हम पत्रकारसभ ओ सबटा नइ कपावि रहल छी, जे नेपालीजी क’क’ चल गेलाह ।
  

 “अभिव्यक्ति स्वतन्त्रता नहि ! प्रविधि ओहन नहि !! कलम चलाएब तेहन जनपक्षधर कानुनव्यवस्था नइ !!! तेहन निरंकुश पञ्चायत व्यवस्थामे जाहि निर्भिकता पूर्वक ओ कलम चलबैत छलाह आ जीवनपर्यन्त चलबैत रहलाह ; हुनका सम्बन्धमे तीनु सरकारकेँ किछु साकारात्मक आ हुनका नाम पर ठोस काज करक चाही । हम प्रयास करब जे किछु ओहन काज करी जतह हम छी । आम सञ्चार प्राधिकरणक अध्यक्ष यादव सहभागीसभकेँ भरोस दिाबैत कहलाह ।
      

२०८० साल भादव–१२ गतेक दिन नेपाली जीके देहावशान जनकपुरधाम जीरो माइल स्थित ‘मैक्स अफ लाइफ’ अस्पतालमे उपचारक क्रममे भेल छलैन्ह । २००२ साल भादव–१९ गते तात्कालीन बेलाग्राम एवं वर्तमान जनकपुरधाम उपमहानगर पालिका वार्ड नं.२३मे जन्म भेल छलैन्ह ।
    

आजुक दोसर पुण्यतिथिक अवसर पर आयोजित कार्यक्रममे कार्यक्रम सञ्चालन हुनक जमाता पत्रकार श्रीनारायण साह कएलाह । जाहिमे स्थानीयवासी युवा राजनीतिज्ञ केवलकुमार शर्मा, प्रा.रमेशकुमार साह, डा.शम्भु साह, ई.मुकेश साह, पत्रकार कमल साह, अवधेश कामत, सीमाञ्चल सम्पादक उपेन्द्र भगत नागंशी सहितक विशेष लोक सामेल छलाह ।
    

जलेश्वर जनकपुर सडक खण्ड अन्तर्गत दुधमति पुलक सडक कातमे गाणिनाथ गोविन्द मन्दिरक आगु गोल्ड मोहर, हर सृंगार सहितक बृक्षारोपन कऽकऽ घेरा लगाओल गेल ।