मटिहानीमे लक्ष्मीनारायण मठके मठाधीश भेलाह रवीन्द्रदास

जनकपुरधाम–१९गते,चैत । महोत्तरी जिलाके मटिहानी स्थित श्रीलक्ष्मीनारायण मठके मठाधीश चयन करब काज विधिवत् भेल छै ।
 

सीता कुण्डके महन्थ रामनरेश दास मादे भेटल जनतब अनुसार लक्ष्मीनारायण मठ मटिहानीकँे उत्तराधिकारीके रूपमे रवीन्द्रदास वैष्णवकेँ नियुक्त कएलगेल छै ।

मठके मठाधीश मानमहन्थ जगरनाथ दास बैष्णव जग्गा फर्जीकेशमे पश्चिम नेपालके लुम्बनी स्थित कारागारमे रहलास’ आधिकारिक लोक बिना मठके रेखदेख करबमे असुविधा होइत छल ।

महन्थे विवादमे रहलास’ जानकी मन्दिर जकाँ मटिहानीयोमे मानमहन्तके उत्तराधिकारी–महन्थके रुपमे रवीन्द्रदास वैष्णव चयन भेलाह ।
मानमहन्तके उत्तराधिकारीकेँ मठमे एकटा समारोहमे साधु सन्त महन्थसभके बीचमे  पगड़ी माला पहिराक’ अचिन–चानन लगाक स्वागत –सत्यकार कएलगेल ।  
     

देशभरिके मठ–मन्दिरमे सर्वोच्च स्थान लक्ष्मीनारायण मठ मटिहानीके नाम अग्रतामे आबैत छै । जाहि स्थानके उत्तराधिकारी रूपमे नियुक्त भेला पर रवीन्द्रदासकेँ बधाई देब जानकी मन्दिरके उत्तराधिकारी महन्थ रामरोशन दास वैष्णव, सीता कुण्डके रामनरेश दास सहित सन्तसमाजक लोक जुमल छल ।

 नव नियुक्त महन्थकेँ  हार्दिकता पूर्वक स्वागत, करैत बधाई दैत, सनातन धर्म–संस्कृतिकेँ सर्वोच्चता कायम रखताह ओ क्षमता भेटैक,आ लोक–व्यवहारकेँ ध्यानमे राखिक’ मठ सञ्चालनकर्ता सेहो अपेक्षाभाव लोक रखलैन्ह ।