काठमाण्डचैत १५केँ घटना बिरुद्ध राष्ट्रवादीसभ सेहो जुलुस बहार कएलक

जनकपुरधाम–१७गते,चैत । काठमाण्डौमे बितल शुक्रदिन भेल लोकतन्त्र पक्षधर एवं बिरोधी समूहके सभा जुलुसमे भेल बबरताक बिरोधमे नेपाल राष्ट्रवादी नागरिक समाज धनुषाके तत्वाधानमे रविदिन खबरदारी जुलुस एतह बहार कएलगेल ।
    

पञ्चायत पक्षधर धाकर पञ्चेनेता हेमबहादुर मल्लक पुत्र राष्ट्रवादी नेता मनोज प्रताप मल्लके नेतृत्वमे जुलुस बहार भेल छल ।
जनकपुरधामके रेल्वे स्टेशनस’ बहार भेल जुलुस नगरपरिक्रमा करैत जनकचौकमे आइबक’ कोन्हसभामे परिणत भ’क’ समापन भेल छल ।

चैत १५ गतेकेँ राष्ट्रवादी, हिन्दुवादी, पञ्चायत आ राजावादीपक्षधरसभकेँ पैघ जुलुस उपर राज्यपक्षस’ बबरता भेल, ओ ठहर करैत सरकार प्रक्रउ कएने एवं नजरबन्दमे रखने थबल शम्शेर राण सहितकेँ रीहाइ कएल जाय । हिन्दु राष्ट्र कायम कएल जाय, मांग दोहरौलक ।

नेपाली काँग्रेस एवं नेकपा एमाले नेतृत्वक वर्तमान सरकारके  प्रधान मन्त्री एमाले अध्यक्ष खड्क प्रसाद ओली(के.पी.ओली)केँ नाम ल’क’ मुर्दावाद करैत राष्ट्रघाती नेताक रुपमे आन्दोलनकारीसभ नारा समेत धनकबैत शब्द चित्रण कएलक ।

हुनक धूवा एवं टायर लेशब प्रयास कएला पर सुरक्षाकर्मीसभ से काज सफल नइ होब’ देलक । दू दर्जन जतेक मात्र आन्दोलनकारी सहभागीसभलेल नेपाल प्रहरी आ सशस्त्र प्रहरी सयोकेँ संख्यामे सुरक्षार्थ तैनात छल ।