काठमाण्डौमे मारलगेल पत्रकार रजककेँ न्यायिक छानविन होए

जनकपुरधाम–१८गते,चैत । नेपालके संघीय राजधानी काठमाण्डौमे बितल १५गते शुक्रदिन समाचार संकलन क्रममे रहस्यमय तरिकास’ डाहिक’ मारलगेल पत्रकार सुरेश रजककेँ हत्याक न्यायिक छानविन कएल जाय । पत्रकारसभद्वारा जोरदार मांग कएलगेल छै ।
  

 एभीन्युज खबरकेँ पत्रकार सुरेश रजकके हत्या बिरुद्धमे नेपाल पत्रकार महासंघ देशभरिकेँ जिलाशाखा, प्रदेश शाखा आ केन्द्रियकार्यालय ज्ञापन बुझौने छै ।

केन्द्रिय कार्यालय गृहमन्त्रीकेँ एवं प्रदेश कार्यालयसभ सञ्चारमन्त्री वा मुख्य मन्त्रीकेँ एवं जिलाशाखासभ सरकारक प्रतिनिधि प्रमुख जिलाअधिकारी हस्ते नेपाल सरकारकेँ ज्ञापन बुझाबके काज कएलक ।
    

एहि क्रममे नेपम  धनुषाके अध्यक्ष पुरन साह नेतृत्वमे एकसय जतेक पत्रकार धनुषाक प्रमुख जिला अधिकारी(सीडिओ)के ज्ञापनपत्र सोमदिन दुपहरियामे बुझौलक ।
    

तहिना नेपम मधेश प्रदेश कमिटीक अध्यक्ष केसी लामिछाने नेतृत्वमे दू दर्जन जतेक पत्रकारसभ मधेश प्रदेशकेँ मुख्यमन्त्री सतिश कुमार सिंहकेँ बेरियामे ज्ञापनपत्र बुझाबके काज कएलाह ।
    

पेशागत सुरक्षा, प्रेसस्वतन्त्रता, दोषी पतालगाब लेल निश्पक्ष छानविन होए ताहि हेतु न्यायिक छानविन गठन कएल जाय । हत्या कएल पत्रकारके परिवारजनकेँ उचित राहत रकम प्रदान कएल जाय, हत्यारा पर कठोर कार्यवाही कएलजाय, आदि मांग कएलगेल छै ।

जौं समय पर सरकार कान–बात नइ देलक, मांग पुरा नइ कएलक, तखनि नेपाल पत्रकार महासंघ कठोरस’ कठोर आन्दोलनात्मक संघर्ष करब हेतु बाध्य बनत एहन विषयसभ बुझाओलगेल ज्ञापनपत्रमे कहलगेल छै ।