‘राजर्षि जनक क्याम्पस टी–२० क्रिकेट प्रतियोगिता’मे राराब बाजि मारलक

जनकपुरधाम–१८गते,चैत । ‘राजर्षि जनक क्याम्पस टी–२० क्रिकेट प्रतियोगिता’ रामस्वरुप राम सागर बहुमखी क्याम्पस सम्बद्ध खिलाडि़सभके समूह जीतल छैथ । जनकपुरधाम नगरक्षेत्र भितर रहल क्याम्पससभ अन्तर्‌गतकेँ क्रिकेटर समूहसभ प्रतिस्पर्धामे सहभागिता जनौने छल ।

आठ दिनधैर चलल प्रतिस्पर्धात्मक क्रिकेट खेल जनकपुरधाम वार्ड नं.१४ रजौल स्थित प्रस्तावित ‘ राम–जानकी बहुउद्देशीय अन्तर्राष्ट्रीय रङ्गशाला’के खेल मैदानमे सहभागी खिलाडि़ एवं विजेता टीमके सम्मान पुरस्कार वितरण करैत खेल समापन भेल छै ।

नीजी स्तरस’ सञ्चालित ‘राजर्षि जनक क्याम्पस’द्वारा आयोजन कएलगेल क्रिकेट प्रतियोगितामे रारा बक्याम्पस, बसहिया स्थित गोगल प्रसाद उच्च मावि(क्याम्पस), मोनाष्टीक क्याम्पस, एमआइटी क्याम्पस, राजर्षि जनक क्याम्पस,जनकपुर कम्युनिटी कलेज सहितक खिलाडि़ समूह सामेल भेल छल ।

प्रतिस्पर्धात्मक अन्तिम फानल खेल राराब आ मोनाष्टीक समूहबीच भेल । जाहिमे रा.रा.ब.क्याम्पस टीम विजेता बनल एवं उपविजेता रहल मोनाष्टिक टीम ।
    

विजेता टीम राराबमे सामेल क्रिकेट खिलाडि़सभ छल–प्रदीप मण्डल,राहुल पासवान, सुजीत साह, सुयोग्य प्रजापति, अखिलेश ठाकुर, प्रह्लाद यादव, यसराज शर्मा, साइमन राय, हिमांशु दत्त, अकबरअलि अन्सारी, अमित मण्डल, आदित्य प्रसाद मण्डल, परशुराम यादव ।
  

 विजेताटीमके खिलाडि़  एवं समूहकेँ मेडल, प्रमाणपत्र आ ट्रफी प्रदान कएलगेल । संगेसंग १५ हजार टाका नगद सेहो आयोजक संस्था प्रदान कएलक ।
    

उपविजेता भेल मोनाष्टिक टीममे सामेल खिलाडि़सभ छलाह–साजन यादव, जीवछ यादव, शशी यादव, रञ्जित यादव, अंकित यादव, रुपेश यादव, अभिजित मण्डल, रक्की ठाकुर, शादिक रेजा, गुलफाम शेख, सरफरोज अन्सारी, रोनित महतो,सचिन साह । टीमके क्याप्टन बिक्रान्त यादव सहभागी छलाह ।
    

प्रतिस्पर्धामे उत्कृष्ट खिलाडि़ मोनाष्टिक टीमकेँ सरफरोज अन्सारी भेलाह ।  मैन अ‍ॅफ दी सिरिजक उपाधि जितलाह विजेता राराब टीमके खिलाडि़ हिमांशु दत्त आ बेस्ट प्लेयर भेलाह साइमन राय ।
    

तहिना उत्कृष्ट बल्लर खेल ओजनकर्ता टीम राजर्षिके कमल साह । स्कोलर छलीह रोजी कटारी एवं क्रिकेट खेल अवधिभरि कुशल कमेन्टेटर रुपमे सामेल रहला अमन यादव ।

रणर अ‍ॅफ सफल प्लेयर सभकेँ मेडल एवं सर्टिफिकेट द’क’ सम्मान कएलगेल । उपविजेता टीमके ११ हजार टाका नगद समेत प्रदान कएलगेल ।
    

जनकपुरधाम उपमहानगर पालिकाकेँ प्रमुख मनोजकुमार साह प्रमुख अतिथि रुपमे एवं आयोजक संस्थाा राजर्षि जनक क्याम्पसकेँ संस्थापक प्रिन्सिपल सञ्जीव ठाकुर नेतृत्व सम्हारने छलाह ।

संगहि राष्ट्रिय खेलकूद परिषद्के जिलाअध्यक्ष खिलाडि़ शोभाकान्त पाण्डे विजेता उपविजेता टीमकेँ खिलाडि़सभकेँ प्रमाणपत्र, मेडल आ ट्रफी हस्तान्त्रण कएलाह । बरिष्ठ खिलाडि़ सचिन सिंह, राराब टीमके नेतृत्वकर्ता बिक्रान्त यादव, विद्यार्थी नेता मनिष यादव, गौतम यादव एवं कार्यक्रम प्रस्तोता रुपमे आशिष झा समापन समारोहमे सामेल छलाह ।