विकासवादी नेता मिश्रके शालिक निर्माण हेतु छलफल

जनकपुरधाम । विकास प्रेमी काँग्रेसी नेता रामनारायण मिश्रके स्मारक बनाबकेँ विषयमे नेपाली काँग्रेस सम्बद्ध स्थानीय नेता, कार्यकर्तासभ बैसार क’क’ बिशेष छलफल कएलाह ।

जनकपुरधामके पवित्र सरोवर गङ्गासागरके पूर्वीमोहार पर स्वर्गिय मिश्रकेँ स्मारकस्थल बडपहिनहीस’ निर्माणक हेतु छुटियाओल गेल छै । ओतह कहिया केहन स्मारक भवन निर्माण कएल जाइ ओहि पर केन्द्रित छलफल शनिदिन भेल ।

एहन जनतब निर्माण समितिक अगुवा एवं जनकपुरधाम उपमहानगर पालिकाके उपपमुख किशोरी साह सीमाञ्चल समदियाकेँ देलाह ।
महामानव विशेश्वरप्रसाद कोइराला नेतृत्वके  सरकारमे २०१५ सालमे प्रथम जननिर्वाचित सरकारके उद्योगमंत्री रामनारायण मिश्र छलाह ।

गंगासागर पुरवारी घाटमे हुनक शालिक निर्माण लेल आइ नेपाली कांग्रेस धनुषा पार्टी कार्यालयमे बैसार भेल जनतब भेटल । प्रजातन्त्र प्रेमि मिश्रकेँ श्रद्धा सुमन अर्पण करैत हुनक शालिक निर्माण करब ओहे सत्य श्रद्धाञ्जलि होएत ओ सहभागीसभ ठहर करैत प्रतिबद्ध भेलाह ।

बैसारमे प्रदेश संसद रामसरोज यादव, जनकपुरधामके मेयर मनोजकुमार साह, प्रजातन्त्रवादी नेता बजरंग नेपाली, नगराइन नपाके मेयर विनयकुमार यादव, काँग्रेसी नेता कुँवरकान्त झा, युवा काँग्रेसी नेता गणेश झा सहितक जमघट छल ।