पत्रकार सुरेश रजकप्रति श्रद्धा–सुमन

जनकपुरधाम ।  संघीय राजधानी काठमाण्डौमे शुक्रदिन समाचार संकलन करैत काल रहस्यमय तरिकास’ मारिकऽ डाहिकऽ सञ्चार जगतमे त्राशदीपूर्ण वातावरण सृजनाकर्तासभकेँ खबरदारी करबैत एतह श्रद्धाञ्जलि  अर्पण कएलगेल छै ।
    

एभीन्युज खबरकेँ पत्रकार सुरेश रजकके हत्या बिरुद्धमे नेपाल पत्रकार महासंघ धनुषा सेहो एकबद्ध भेल छै । हत्यारा पत्रा लगाकऽ कार्यवाही कएल जाय ओ मांग करैत दिवंगत पत्रकार रजकप्रति श्रद्धा–सुमन व्यक्त कएलगेल छै ।

नेपाल पत्रकार महासंघ धनुषा शाखा महासंघकेँ कार्यालय आगा दीप प्रज्जवलन कऽ कऽ दिवंगत पत्रकार रजक प्रति श्रद्धा सुमन व्यक्त करैत दीप प्रज्जवलन शनिदिन सांझमे कएलगेल ।
    

शुक्रदिन राजधानी काठमाण्डौ स्थित तिनकुनेमे एकटा घरमेस’ लाइभ रिर्पोटिङ्ग करैत काल ओहिघरमे आगि लगाक मारिक डाहि देब काज भेल छल ।

राज्य व्यवस्थाक प्रमुख अङ्ग शान्ति सुरक्षाक बहालीकर्ता नेपाल प्रहरी,सशस्त्र प्रहरी सहितक सुरक्षाकर्मीसभकेँ ब्यापक उपस्थिती रहलो पर एहन हृद्यविदारक घटना, पत्रकार रजककेँ मारिकऽडाहिकऽ भेल ।

घटनामे पत्रकार रजककेँ दैहिकअङ्ग ७५ प्रतिशत डहिगेल छल आ घटनेस्थल पर हुनक जीवनलीला समाप्त भगेल छल । तिनकुनेमे लोकतन्त्रीवादी सरकार बिरोधी एवं हिन्नुराष्ट्र स्थापना एवं पूर्वराजाकेँ पुनरवहाली पक्षधरसभद्वारा विशाल सभाक आयोजन कएलगेल छल । ततहि संघीय लोकतान्त्रिक गणतन्त्रवादी पक्षधरसभ भृकुटीमण्डपमे विशालसभा आयोजन कएने छल ।

दीप प्रज्जवलन कार्यक्रम महासंघ धनुषा अध्यक्ष पुरन साहके अगुवाइमे भेल । जाहिमे अग्रज पत्रकार प्रेस स्वतन्त्रता सेनानी अशोक रौनियार, बिएम खनाल, श्रीनारायण साह, कमला साह, उपेन्द्र भगत नागवंशी, ललनकुमार साह, भग्लु मण्डल, जगदिश साह, प्रबिण साह, अजय शिवालिक, नविन प्रीयदर्शी,  विकास साह, घनश्याम मिश्र, रिंकु मिश्र, सुभाष कर्ण, संजय साह, माला राय, लक्ष्मी चौधरी, अवधेश कामत, बटुकनाथ झा, दिपक कर्ण, सहितक एकसय जतेक पत्रकारसभ मोमबत्ती लेशक’ श्रद्धासुमन अर्पण कएलक ।