पत्रकारकेँ मारिक’ सञ्चारगृहमे तोड़फोड़ क’क’ परिवर्तन सम्भव नइःअध्यक्ष साह

जनकपुरधाम–१६गते,चैत ।       “पत्रकारमाराकेँ कार्यवाही हो !
                                 पत्रकारमारा व्यवस्था नइ चाही ! प्रेस स्वतन्त्रता कायम रहो !
                                 पत्रकार सुरेश रजककेँ हत्यारा पर कार्यवाही हो ! कार्यवाही हो !!

नेपालके संघीय राजधानीके ताहाचलमे रहनीहार एवं एभीन्युजके केमरामैन सुरेश रजककेँ हत्या बिरुद्धमे मिथिला नगरि जनकपुरधामकेँ सड़क पर पत्रकारसभ आइ उल्लेखित नारा लगबैत नगर ध्वनीत कएलक अव्यवस्था बिरुद्धक महौलकेँ तरङ्गीत कएलक ।  
    

संघीय लोकतान्त्रिक देश भेला बादो सत्य कर्मनिष्ट सञ्चारकर्मीकेँ राज्यसयंन्त्र कोनो नइ कोनो रुपमे नजैर पर चढ़ौन रहैत छै । गौं ताकिक’ अथवा तेहन अवस्था मीलला पर याह लीलाधैर समाप्त कदेल करैत छै ।

तेकर टटका उदाहरण शुक्रदिन चैत १५गते राजधानी केन्द्रित सत्ताधारी एवं सत्ताबिरोधी पक्षधर आन्दोलनकेँ कारण पत्रकार रजककेँ मारबस’ भेटल छै ।
    

नेपाल पत्रकार महासंघ धनुषाद्वारा शनि दिन पत्रकारमारा बिरुद्ध जुलुस प्रदर्शन करैत दीप प्रज्जवलन कएलक ।  महासंघके कार्यालय तिरहुतिया गाछीस’ बहारभेल जुलुस भैरवचौक, रामचौक, शिबचौक, भानुचौक होइत जनक चौकमे पुनः आइबक किछु काल ठमकल ।

जतह महासंघके धनुषा अध्यक्ष पुरन साह–‘ देशक हरेक परिवर्तनकारी आन्दोलन पत्रकार, पत्रकार सम्बद्ध संस्थाकेँ सहयोग, सकृयता बिना सम्भव नइ भेल’कहलाह ।
    

पत्रकारकेँ मारिकऽ पत्रकार सम्बद्ध संस्थासभमे आगि लगाक, डाहिकऽ अराजक मचाकऽकेओ परिवर्तन लाब चाहैए ओ अखनुका समयमे सम्भव नइ छै, इ बात सम्बन्धितसभकेँ गीठ्ठर पारिक राखि लयिक चाही ।

आबाज विहिनसभकेँ आबाजके दबाकऽ परिवर्तन नइ कएल जासकैए सेहो धारना अपन संक्षिप्त सम्बोधनमे नेपम धनुषा अध्यक्ष साह रखलाह ।   

जनकचौकमे शान्तिपूर्ण जुलुस समापन भेल तेकराबाद पत्रकारसबहक समूह फेर नेपम महासंघक कार्यालय दिस पधारलाह जत’ सांझुक पहर दीप प्रज्जवलन कार्यक्रम राखलगेल छल ।’