एकतन्त्र आ बहुतन्त्रवादीबीच घमाशानःपत्रकार सहित दूगोटे मारलगेल

जनकपुरधाम–१५गते,चैत । नेपालक राजधानी काठमाण्डौमे वर्तमान व्यवस्था आ व्यवस्थापकप्रतिके घोर बिरोधमे भेल घमाशानमे व्यापक जनधनकेँ क्षति भेल खबर आएल छै ।
    

अखनुका संघीय लोकतान्त्रिक गणतन्त्रात्मक पक्षधर दल आ एकतन्त्रीय राज्य–शासन व्यवस्थाक पक्षधर समूहबीच  काठमाण्डौ कन्द्रित आजुका आन्दोलनमे सरकारी, गैर सरकारी नीजी समप्तीमे तोड़फोर एवं आगजनी कएलगेल छै ।

हिन्दुराष्ट्र एवं राजा नेतृत्वक एकतन्त्रीय शासन व्यवस्थाकेँ पक्षमै एम्हर कतेक दिनस’ आन्दोलन होइत आएल छल । शुक्रदिन भेल घटनामे राजधानीकेँ किर्तिपुर वासी २९ वर्षीय सबिन महर्जन प्रहरीकेँ गोलीस’ मारलगेल छै ।
    

पूर्वनिर्धारित कार्यक्रम अन्तर्गत राजावादीपक्षधर जनतासभ काठमाण्डौंके एअरपोर्ट लगिच तिनुकुनेमे विशाल जनसभाक आयोजन कएने छल ।

लोकतन्त्र पक्षधर बामपन्थी दल नेकपा माओवादी केन्द्र, नेपाल कम्युनिष्ट पार्टी एकिकृत समाजवादी सहितक किछु दल मोर्चा बनाक प्रतिकार स्वरुप राजधानीकेँ माइतिघरमे सभा आयोजन कएने छल ।

जाहिमे सहभागीता हेतु सभपक्ष देशक कोन्ह–कोन्हस’ सहभागिता जुटान हेतु लोककेँ आबके नौत पहिनहीस’ द’ देने छल । मुदा राष्ष्ट्रवादी(राजाबादी)सभकेँ प्रवेश सरकारद्वारा रोक लगाओलगेल छल ।
    

ठामठाम  नेपाल प्रहरी, सशस्त्र प्रहरी एवं नेपाली सेना समेतकेँ तयार राखलगेल छल ।  स्थित एहन उत्पन्न भगेल जनसेवक सरकारी टहलु नेपाल प्रहरी, सशस्त्र प्रहरी एवं राजावादी समर्थकबीच आपसी घमाशान अराजक रुप ललेक ।

आन्दोलनकारीसभ आलोकनगर स्थित नेकपा एसके केन्द्रिय कार्यालयमे तोड़फोर कएलक । नेपाल सरकार अधिनक  जडि़बूटी प्रशाााोधन केन्द्रकेँ आगि लगाक डाहि देलक। कोटेश्वर स्थित भाटभेटेनीकेँ समेत तोड़फोर करैत माल समान लुटिक लगेल । 

अवस्थाके शान्त करब, बिगरैत अवस्थाकँे नियन्त्रणमे लबलेल प्रहरप् पैघ भवन सभ पर चढि़ कऽ गैस एवं बनुक गोली चलौलक जाहि आजेहस’ अवस्था भड़कल आ आन्दोलनकारीसभ सेहो लोकक घर छत्त पर चढि़गेल सञ्चारकर्मी एवं राजावादी पक्षधर पत्रकार रमा सिंह पत्रकारसभकेँ अभिव्यक्ति दैत देखल गेल ।

आन्दोलनकारीसभ राजधानीकेँ गौडि़गाम स्थित अन्नपूर्ण पोष्ट पत्रिकाकेँ कार्यालयमे सेहो घुसिकऽ तोड़फोड़ कएलक ओ जनतब अननपूर्ण पोष्ठक महा प्रबन्धक मनोज बस्नेत बतौने छथि ।

राजावादी आ गणतन्त्रवादी आन्दोलनमे एपी न्युजके सुरेश रजकके एकटा डहैत घरमे परिक डहिकऽ मृत्यु सेहो भगेल छै ।    
एकर अतिरिक्त प्रहरी आ आन्दोलनकारीबीच दर्जनो सर्वसाधारण सुरक्षाकर्मी लोक घाहिल भेल छै  ।

राजधानीस’ प्राप्त भेल खबर अनुसार बिरोधात्मक जुलुसमे जनताक असन्तुष्टी वर्तमान व्यवस्था आ व्यवस्थापकस’ छै आ ओ परिवर्तन चाहैत छै । मुदा ओकर सार्थक बिकल्प चाहैत छै ।

बेरोजगारी, बेकारी, अव्यवस्था अपनत्ववाद, परिवारवाद राजनीतिस’ घृर्ण करैत छै । तकरे परिणती छै । जे संसारक सभस’ उत्तम व्यवस्थास’ लोक पूर्वव्यवस्था दिश जायलेल बाध्य भरहल छै ।

राजावादी आन्दोलनकेँ अगुवाईकर्ता दुर्गा प्रसाई एकबजे दिस निषेधितक्षेत्र तोड़लक तेकराबाद अवस्था भयाबह बनल । प्रहरी पानिक फोहारा फेकलक, आश्रुगैस चलौलक ।

स्थानीय प्रशासन ५बजेस’ ्‌ातिमे दशबजेधरि लेल कर्पू आदेश सेहो जारी कएने छै । सरकारपक्षधरसभ आजुक घटनाक मुख्य आरोपी दुर्गा पसाईकेँ   मुख्य दोषी मानि रहल छै ।