सीमाञ्चल समदिया,
जनकपुरधाम । शनि दिन मिथिला नगरि जनकपुरधाममे जुलुसे पर जुलुस बिरोध जुलुस सभ ताबर तोर बहार भेल देखल गेल । ओहि क्रममे गणतन्त्र हिन्दु राष्ट्र लेल सेहो जुलुस बहार भेल ।

‘संघीय हिन्दु गणतन्त्र राष्ट्र स्थापनार्थ जुलस’ बहार कएलगेल । राष्ट्रिय बिद्यार्थी परिषद् ज्ञानशिल एकताके आयोजनमे गणतन्त्र हिन्दु राष्ट्र नेपाल होओ ओ मांग करैत सहभागीसभ नगर परिक्रमा कएने छल ।

केशरीया रंगके झण्डा बोकने सहभागी युवासभ गणतान्त्रिक हिन्दु राष्ट्रके मांग करैत धर्म निरपेक्षता अन्त कएल जाए ओ सन्देश प्रवाहित करैत जुलुस बहार कएलगेल छल ।

राष्ट्रिय विद्यार्थी परिषदके अगुवाइमे कएलगेल हिन्दु राष्ट्रके मांग सम्बन्धिभ प्रदर्शन परिषदका अध्यक्ष विनय यादव, उपाध्यक्ष सुनिता साह, सदस्य खेमराज आचार्य सहितक सयकरो लोक सहभागी छल । जुलुस रेलटीशनस’ बहराक जनकचौकमे समापन भेल ।