सीमाञ्चल समदिया,
जनकपुरधाम । ‘‘ नव नेपालमे नवका राजनीतिक शक्तिके आवश्यकता छै । नेकाँ, नेकपा जेहन दलसभकेँ जनता देख चुकल छै । वर्षो वर्षस’ शासन सत्ताामे सन्हिाएक जनअपेक्षा पर खाढ़ नइ उतर सकल छै । ताहु दुवारे देशमे नवराजनीतिक शक्तिके दरकार लोकके छै । मधेश मात्रेटाके नइ पड़ाह-हिमाल सभतरके जनता आब बैकल्पिक शक्तिके रुपमे जनता समाजवादी पार्टी दिश टकटक्की लगौने छै ’’ !

जनता समाजवादी पार्टीक प्रमुख नेता पूर्वउपप्रधान मन्त्री उपेन्द्र यादव एहन धारणा व्यक्त कएलाह । मिथिला नगरि जनकपुरधाम कलवारीकुट्टी स्थित प्रेक्षालय भवनमे अखनु जारी बृहत्त सभा एवं पार्टी प्रवेश कार्यक्रममे नेता यादव सहभागी छैथ ।

आयोजित कार्यक्रममे जसपा नेता यादव कार्यकर्ताके सम्बोधन करैत-‘‘प्रमुख अहंकारी शक्ति बाहेक आब सभशक्तिकेँ मीलक संघीय लोकतान्त्रिक गणतन्त्रकेँ संस्थागत विकास करए दिश लाग पड़तै’’ कहलाह । अपनेसभ घबराउ नइ ओ समय बेसी दूर नइ छै । जहिया ई जनघाती दलके अगुवा-नेतासभकेँ खेहाइर खेहाइरक भगौतै’’ !

सुशासन होतै तखने समृद्धि औतै से बात कहैत समान्ता एवं विवेदरहित समाजवादकेँ परिकल्पना क’क’ जसपा आगु बैढ रहल छै । एकर मूलमन्त्रो एहे छै तैँ देशक तेसर राजनीतिक शक्तिके रुपमे लोक जसपा पर टकटक्की लर्गौने छै । लोकक अपेक्षा पर एहे पार्टी आब शतप्रतिशत सही खाड़ उतर ओहो दाबी नेता यादव अपन सम्बोधनमे कएलाह ।

‘‘मधेशवादी, खशवादी, शोषित, उत्पीडि़त, दमित सभशक्ति एक भ’क’ लागब आवश्यक छै । अइ विषय पर जोर दैत नेता यादव जनतास’ जनताकेँ जोरबमे युवासभ बेसी काजुल हुअ सकैए । कठिन परिस्थितिके सहज बनाब सकैए । आबके परिवर्तन, संस्थागत विकास हेतु युवासभकेँ राजनीतिक सक्रिय सहभागिता बेगैर नइ हुअ सकैए ’’, सेहो बात नेता यादव स्वीकार कएलाह ।