सफाईके विषयमे दूपक्षबीच घमाशान

निवर्तमान वार्डअध्यक्ष रामु साहके कपरमण्डल भंगाएल

२०७९ कार्तिक १०, बिहीबार ११:०२
सीमाञ्चल समदिया
simanchal.com

  • 40
    Shares

जनकपुरधाम । सरसफाईके विषयमे दूपक्षबीच भेल घमाशानमे पूर्ववार्ड अध्यक्षके कपरमण्डल फूटल छै । आ, ओ अस्पतालके शैय्या ओगर पर बाध्य भेलाह ।

 

भेटल जनतब अनुसार जनकपुरधाम उपमहानगरपालिका वार्ड नं.११ धनुषापथमे दूपक्षबीच आपसी घमाशान भेल । आइ भिन्सर सात बजेकेँ ओनपोनमे बहारन सोहारण गोलियाक सड़क पर राखब क्रममे दूपक्षबीच बतकटौवल शुरु भेल छल । जे बतकटौबल घमाशानी रुप ललेलक ।

 

मारापीटीधैर पर बात पुंइग गेल जाहिमे रामु नामस’ चर्चित वार्ड नं.११के निबर्तमान वार्डअध्यक्ष रामचन्द्र रामु साहके कपरमण्डल फोइर देलगेल छै ।
जनकपुरधाममे सरसफाइके समस्या विकराल भेल जारहल छै ।

 

फोहरके उचित व्यवस्थापन नइ भेने लोक समाजमे एक-दोसरके देहरी लग, पर्ती खेत-घराड़ी पर लोक निर्लज्जतापूर्वक नुका-चोराक फोहर फेकैत छै । आइ बृहस्पति दिन भिन्सर तेहनेसन किछु खेल भेल ।

By-simanchal.com

घर-देहरीके बहारन सोहारन सडक पर रखला पर हमर देहरी दिस किएक राखलगेल; अइ विषय पर आपसमे कहासुनी होइत, टेनामेनी चलैत रहल ! लोक करमान लागल तमासा देखैत रहल । ओहिबीचमे फोहर फेकब विषयमे जीदिया युवा साह पर धाबा बोइल देलक ।

 

जाहिमे वार्ड नं.११के निबर्तमान वार्ड अध्यक्ष रामुके माथ भंगा गेल आ रक्तके छुर्रछुर्री फेक लागल । आक्रमणकारी युवाके संगेसंग आनो लोकसभ पराएल अनेरे झण्झटमे के परो ! किछु लोक उठापुठाक रामुके अस्पताल पुंगौलक ।

 

अस्पतालक शैया पर पड़ल रामुस’ पुछला पर पथरु साहके भतिजासभ मारलक सीमाञ्चल समदियाके बतौलाह । घटनास्थल समेत पर पुंगल जानकी प्रहरी बृत्तके प्रहरीसब कपारफोरबाला दूगोटेके पकरगेल मुदा एकगोटे निप्ता भगेल । एकगोटे प्रहरीके फन्दामे परल छै ।

 

पीडि़त नि.वार्डअध्यक्ष साहके दू ठाम माथ फूटल छै । आठटा टांका लगाक भंगाएल माथ सियल गेल छै । जनतब प्रादेशीक अस्पताल जनकपुरधामस’ भेटल ।

simanchal.com

सफाईके विषय ल’क’ परोसीयामे भेल झगरामे सन्तोष साह एवं सञ्जय साह पूर्व वार्डअध्यक्ष रामु साह पर आक्रमण कएने छै । पीडि़तके बयान आधारमे सन्तोषके पकरलगेल छै । मुदा दोसर आरोपी सञ्जय भाइग गेल ।

 

प्रहरी खोजीमे लागल छै जानकी प्रहरीबृत्तस’ जनतब भेटल । घटनाके विशष अनुसंधान जारी छै एवं जानकीचौकीस’ पीड़कके जिला प्रहरी कार्यालय धनुषामे पठाओल गेल ओहो बात बुझएमे आएल ।

https://simanchal.com/wp-content/uploads/2020/07/ads-simanchal.png
https://simanchal.com/wp-content/uploads/2022/08/bigapan-Jnk.jpg

प्रतिक्रिया

Leave a Reply

Your email address will not be published. Required fields are marked *

सम्बन्धित

simanchal.com
नेपाली शीला भारतके अयोध्या हेतु पठाओल गेल
२०७९ माघ १६, सोमबार २१:५०
सीमाञ्चल समदिया
अमर शहिद झाके शालिक खाड़ करब हेतु स्मारक निर्माण शुरु
२०७९ माघ १५, आईतवार २२:१४
सीमाञ्चल समदिया
रुकुमके बीरेन्द्र गौतम हेलिकप्टर बनाबमे सफल
२०७९ माघ १०, मंगलवार २२:३५
सीमाञ्चल समदिया
simanchal.com
साहित्यकारसभाके वार्षिक उत्सवमे विभिन्न श्रष्टा सम्मानित
२०७९ माघ ७, शनिबार २२:०४
सीमाञ्चल समदिया
simanchal.com
हत्याआरोपमे सनायल संसद महतो पर कार्यवाही हेतु गृह कटलक पत्र
२०७९ माघ ६, शुक्रबार २२:३३
सीमाञ्चल समदिया
तीनमन्त्री सहित मुख्यमन्त्री यादव सपथ खयलाह
२०७९ पुष २९, शुक्रबार २१:४४
सीमाञ्चल समदिया