सीमाञ्चल समदिया,
जनकपुरधाम । अपन संस्कृति सभ्यताक परिचय दैत जनकपुरधामके जनकचौक पर सनातनधर्मीसभव्दारा तुलसीपुजन समारोह मनाओल गेल छै ।
वैदिकधर्म संस्कृति संरक्षण अभियान जनकपुरधामके तत्वधानमे तुलसी पुजन समारोहमे शुक्र दिन कएलगेल । समारोहमे अपन धारना राखैत बरिष्ठ पत्रकार जनकपुर बौधिक समाजक अध्यक्ष राजेश्वर नेपाली ‘देश धर्म निरपेक्ष भेलास’ सबबर्ग समुदायके लेल एकदिश नीक भेल छै । ततहि सनातन धार्मिक लोक उपर पश्चिमाहा संस्कृतिक प्रसारस’ पैघ घात भरहल छै’ कहलाह ।

धर्म संस्कृति आ अपन परम्पराप्रति भावि सन्ततीके ज्ञानवद्र्धन लेल आजुक समयमे तुलसी पुजन समारोह करब अनिवार्य आवश्यक्ता हरेक घर परिवारमे हुअ चाही ।’’ ताहु विषय पर ओ जोर देलाह ।

कार्यक्रममे कवि साहित्यकार रामस्वार्थ ठाकुर गान्धी तुलसी महिमा पर केन्द्रित कविता पाठ कएलाह । युवा साहित्यकार अरविन्द यादव, कमल साह, कवित्री पुनम झा मैथिल,जगदिश महासेठ, भोगेन्द्रलाल कर्ण, योगगुरु बिमल पण्डित, समाजिक अभियन्ता दिनेश पूर्वे, अभय शर्मा, आशा यादव, सुन्तली थापा आदि लोक समारोहमे सामेल छल ।