सीमाञ्चल समदिया,
जनकपुरधाम । पार्टी विभाजन पछाइत अपना-अपनी दिस कार्यकर्ताकेँ तानब, नवकार्यकर्ता बनाएब, ढुकाएब काजमे दलसभ लागल छै । अहिक्रममे धनुषाके बटेश्वर गाउँ पालिका अन्तर्गत एकटा गामके प्रायःसब गौवां माओवादी केन्द्र त्यागिक नेपाल कम्युनिष्ट पार्टी (एमाले)मे प्रवेस कएने कहलगेल छै ।

नेकपा एमालेके केन्द्रिय सदस्य एवं पूर्वमन्त्री जुलीकुमारी महतोके प्रमुख आतिथ्यमे पार्टी प्रवेस काज भेल छै । पार्टीके जिला इन्चार्ज एवं निवर्तमान प्रदेस संसद रामचन्द्र मण्डल, महोत्तरी जिला अध्यक्ष एवं केन्द्रिय सदस्य टेकबहादुर बलमपांकी प्रवेस कार्यक्रममे बिशिष्ठ अतिथि रुपमे सामेल छलाह ।

मङ्गलदिन भेल पार्टी प्रवेस कार्यक्रममे बटेश्वर गपाके भूचक्करपुर गामके रमौली टोलकेँ प्रायःसभलोक नेकपा माओवादी केन्द्र छोइरक नेकपा एमालेमे प्रवेस कएने छै, ओहन जनतब एमाले धनुषा अध्यक्ष राजकिशोर यादव देलाह ।

बटेश्वरक्षेत्रमे २०३६ सालस’ बामपन्थीधारके सकृय आ स्थापित नेता दलबहादुर मगरके अगुवाइमे माओवादी केन्द्र परित्याग क’क’ सउंसे रमौली टोलके युवा, ब्यस, अधबैस नरनारीसभ एमालेमे प्रवेस कएने छै, सेहो दाबी अध्यक्ष यादव कएलाह । नवप्रवेसीसभकेँ एमाले नेत्री एवं पूर्वमन्त्री जुली महतो अबीर चानन लगाक, माला पहिराक, पार्टीमे नवप्रवेसीसभकेँ स्वागत कएलीह ।

पार्टी प्रवेस कार्यक्रममे पार्टीके प्रदेशकमिटी सदस्य मनोज खडका, भुब्यसआके अध्यक्ष एवं जिविस धनुषाके पूर्वसभापति रामचरित्र साह, बटेश्वर गापाके अध्यक्ष डम्बर बहादुर राउत क्षेत्री,स्थानीय नेता गङ्गाराम कुँवर, भारती सिंह सहितके नेता कार्यकर्ता एवं सर्वसाधारण लोकके हेंज लागल छल । चित्रश्रोतः दिपन ठाकुर