जनकपुरधाम । श्रमजीवीसभके न्युनतम् पारिश्रमिक प्रति नेपाल सरकार गम्भिर नइ रहल । एहन आरोप सहित सरकारके न्युनतम् पारिश्रमिक बृद्धि करैत निर्धारण कएल जाए बास्ते ज्ञापन बुझाओल गेल छै ।

नेपाल ट्रेड युनियन काँग्रेस जिला समिति धनुषा बृहस्पति दिन स्थानीय प्रशासन मादे नेपाल सरकारके ध्यानाकर्षण करबैत ज्ञापन बुझौने छै । ‘‘ रोजगारदाताकें संगेसंग नेपाल सरकार स्वयं सेहो श्रमजीवीकेँ न्युनतम् पारिश्रमिक प्रति गम्भिर नइ छै ।

एककहि देशमे कानुन बीपरित दू तरहस’ श्रमजीवीकेँ न्युनतम् पारिश्रमिक निर्धारण क’क’ विभेद करैत आएल छै ।’’बुझाओल गेल ज्ञापन पत्रमे कहलगेल छै ।

सरकारी कार्यालयमे काम करएबाला कर्यालय सहयोगी कर्मचारीकेँ न्युनतम पारिश्रसमिक २६०००।- एवं श्रमजीवी नीजी कारखाना अथवा अन्य क्षेत्रमे मजदुरी क’क’ गुजरबसर करब तेहन मजदूर वर्गके श्रमिक लेल न्युनतम् मासिक पारिश्रमिक १५०००।- कायम कएने छै ।

एहिमे भेदभाव आ असमान्ता छै जे राज्यपक्ष स्वयं कएने छै । अहुना अखनुका महंगाइके समयमे पन्द्रह वा छब्बिस हजारमे चाहक पाइधैर नइ पुंगत तेहनमे लोकके घर परिवार कोना चलत । एहि पर गम्भिर रुपस’ विचार करब आवश्यक छै ।

सरकार जेहो न्यनतम् दरमाहा निर्धारण कएने छै ओहुमे विभेद कीएक ? कमस’ कम न्यनतम् दरमाहा बराबर कएल जाय, चाही ट्रेड युनियनक ओ कथन आ मांग छै ।

ट्रेड युनियन धनुषा अध्यक्ष महावीर दास व्दारा हस्ताक्षरित ज्ञापनपत्र श्रम, रोजगार तथा सामाजिक सुरक्षा मन्त्रालय काठमाण्डौंके सम्बोधन करैत जिला प्रशासन कार्यालय धनुषाके प्रमुख जिला अधिकारी मार्फत बुझाओल गेल छै ।

एहे आषाढ़ बितर ६गते नेपालके राजधानी काठमाण्डौमे समपन्न सातम् राष्ट्रिय महाधिवेशनस’ युनियन सबक्षेत्रमे कार्यरत् श्रमिककेँ एकसमान न्युनतम् पारिश्रमिक मासिक २५०००।- निर्धारण कएल जाए ओ मांग ज्ञापनपत्रमे कएल गेल छै ।

जौं सरकार से नइ कएलक तखन ट्रेड युनियन कठोरतम् संघर्षमे उतरत सेहो चेतौनी देने छै । नेपाली काँग्रेस सम्बद्ध नेपाल ट्रेड युनियन काँग्रेसकेँ ज्ञापनपत्र बुझाबबाला जुलुसमे काँग्रेसक बर्गिय, भातृ, शुभेच्छुक सहित विभिन्न २३ टा काँग्रेसी संगठन सम्बद्ध लोक सामेल छल ।