जनकपुरधाम । नेपालीके भूटानी शरणार्थी बनाक अमेरिका पठाक धन उगाहीकर्ताके आरोपमे अखनु फेर एकगोटे धराएल छै ।

भेटल जनतब अनुसार नेपाल हज समितिके अध्यक्ष शमशेर मियाँकेँ शरणार्थी प्रकरणमे बृहस्पतिदिन प्रहरीव्दारा पकरलगेल छै ।

आइदिनमे अखुनु नेपालके राजधानी काठमाण्डौ स्थित सिंहदरबार परिसर भितरस’ मियाँकेँ पकरलगेल छै । से जनतब पत्रकारसभकेँ जिला प्रहरी परिसर, काठमाडौंके एस.एस.पी.दानबहादुर कार्की जनौलाह ।

हज समिति अध्यक्ष मियाँ चढ़ैत आएल सरकारी वाहन बा १ झ १५८१ नम्बरके जीप भुटानी शरणार्थी प्रकरणमे प्रयोग भेल छै ओहि आधार पर पकरलगेल बुझएमे आएल । शरनार्थी प्रकरणमे धन ठगैतीकर्ता गिरोह बेरबर एहे जीप प्रयोग करैत रहल जे गृह मन्त्रालयके जीप छै ।

गाड़ीके नम्बर बदैल बदैलक ठगपरेबीकर्ता गिरोहकेँ आबाजाहीमे प्रयोग भेल बि-एबी १४०५ नम्बरके उज्जरका नम्बर प्लेटबाला मन्त्रालयके गाडी प्रहरी सेहो पक्राउ कएने छै ।

नक्कली भुटानी शरणार्थी प्रकरणमे मियाँ सहित अखनुधैर १४ गोटे पकरल जाचुकल छै । जाहिमे नेपाली काँग्रेस सम्बद्ध पूर्व गृह एवं उपप्रधानमन्त्री बाल कृष्ण खाण, नेकपा एमाले सांसद टोप बहादुर रायमाझी, पूर्वगृहसचिव टेकनारायण पाण्डे सहित १४ गोटे अखनु प्रहरी हाजतमे बन्न छै ।

पकर गेलहासभको प्रहरीमादे काठमाण्डौ जिला अदालतमे पेश कएल गेल । भुटानी शरनार्थी प्रकरणमे पकराएल चौदहोगोटेकेँ थप तीनदिन हाजतमे राइखक अनुसंधान करब समय-अवधि अदालत थैप देने छै ।

१३ गोटेके बयान लेल जाचुकल छै । पकरलगेलसभ मादे नेपाली कांग्रेसके पूर्वसभासद आङटावा शेर्पाके बयान लेबके काज मात्र बाँकी छै, एहन जनतब भेल ।