सीमाञ्चल समदिया,
जनकपुरधाम । आषाढ़ दश गतेधैर नगर परिषद् करब वैधानिक प्रावधान छै । तथापि बहुतो स्थानीय निकाय अइमे पछुआएल रहैत छै । प्रायः शुरुवात ओह दिन कलेलक आ शेष आगु होइत रहल । तेहनसन कार्य महोत्तरी जिलाके बर्दिबास नगरपालिकामे सेहो भेल छै । बृहस्पतिदिन आरम्भ कएलगेल परिषद् आइ पुरा भेल छै ।

रविदिन विधिवत् सम्पन्न कएलगेल आठम् नगर परिषद्-सभास’ आगामी आर्थिक वर्ष २०७८/०७९ लेल १ अर्ब ४१ करोड़ २३ लाख ८३ हजार टाकारकम बराबरके बजेट विनियोजन कएलगेल जनतब भेटल अइ ।

वार्षिक बजेट एवं निति तथा कार्यक्रम पारित  नगरसभा उद्घाटन सत्रमे सुरु भेल छल । आयोजित आठम् नगरसभामे प्रस्तुत वार्षिक बजेट एवं योजनाकेँ योजनागत रुपमे छलफल एवं बाँडफाँड आजुक बैसारमे क’क’ बजेट तथा नीतिकार्यक्रम पारित कएलगेल छै ।

बर्दिवास नगर पालिकाके प्रमुख प्रशासकीय अधिकृत रेवतीप्रसाद पराजुली आ नगरप्रमुख बिदुरकुमार कार्की ।

नगर प्रमुख बिदुर कुमार कार्कीके सभापतित्वमे रविदिन कार्यपालिका बोर्डके बैसार भेल । जाहि बैसारमे श्रोत अनुमान समितिव्दारा सुनिश्चित कएलगेल अनुसारकेँ बजेटमे योजनागत छलफल कएलगेल आ सर्व सम्मतिस’ ओ पारित भेल । से बातके जनतब बर्दिवास नगर पालिकाके प्रमुख प्रशासकीय अधिकृत रेवतीप्रसाद पराजुली देलाह ।

बनपा प्रमुख प्रशासकीय अधिकृत पराजुलीके कहब अनुसार आगामी आ.ब. २०७८/०७९ के लेल नगरपालिका १ अर्ब ४१ करोड २३ लाख ८३ हजार रुपैया बराबरके बजेट विरण आनल गेल से पारित भेल छै ।

बनपाके १४ टा वार्डके सिलिङ्ग अन्तर्गत १० करोड ९५ लाख बराबरके योजनाहसभ सरदर रुपमे छुुटयाएल गेल छै । स्वास्थ्यक्षेत्रके लेल २ करोड, शिक्षामे ३ करोड ८० लाख टाकाके बजेट छुटयाएल गेल छै ।

पूर्वाधार विकास, शुद्ध पेयजल, सडक, पिसीसी ढलान सहितके विकास निर्माणके योजनासभ आगामी आबके नीति कार्यक्रमके प्राथमिकतामे पड़ल छै सेहो जनतब अधिकृत पराजुली मादे भेटल ।