सीमाञ्चल समदिया,
जनकपुरधाम । बहुत प्रतिक्षित आ बहुचर्चित रुपमे दूटा जिलाके जोडबाला पुलके निर्माण आधा आधि मात्र भेल छल ओहो भसैकक भथाए लागल छै ।
प्रदेश-२ अन्तर्गत धनुषा एवं सिरहा जिलाके जोड़बाला कमला नदिमे विगत आधा दशकस’ पक्की पुल निर्माण कएल जारहल छल । ओ पुल कमलाके बाढि़मे केना भथा गेल छै ओ चित्रमे देखल जासकैए ।

मिथिलाकेँ लोकजीवनमे कमला नदीके पवित्र धारके रुपमे लेल जाइत छै । कमला मायके रुपमे जानल जाइत छै । साँस्कृतिक जीवन पद्धति कमलास’ मिथिलाबासीकेँ जुड़ैत छै । अध्यात्मिक शक्तिक श्रोत सेहो मानल जाइत छै ।

ओ कमला धनुषा एवं सिरहा जिलाके सीमाके रुपमे सेहो छै । दूनु जिलाकेँ लोकके आब जाए लेल सहजता होए आ समय कम लागे ताहि लेल दशकोस’ कमला धारमे हुलाकी राजमार्ग अधिन पुल बनाओल जाएके माग सर्वसाधारणस’ उठैत रहल ।

संघीय लोकतान्त्रिक गणतन्त्र देश नेपाल कायम भेला पछाइत पुल निर्माणके काज आगु ससरल । जनकपुरधामस’ पुरुब २८ किलोमीटर धनुषाकेँ चिकना एवं सिरहाकेँ बसपीट्टा गाम लग स’ कमला धारमे पुल निर्माण भरहल छल ।

चारिआना हिस्सामे पुल बैनक तयार भगेल छल । मुदा एम्हर किछु दिनस’ बरसैत वर्षाके कारण कमलाके जलस्तरमे ब्यापक बृद्धि भेल     छै । जाहि ओजहस’ जे जतेक भाग बनल छल ओ पुल बीच्चेमे धैसक भथाएल छै ।

बिशाल जलधारा आ बहाबबाला नदिमे पकिया पुल बनाएब, गुणस्तरीय पुल निर्माण करब एहन काज हुअ चाहैत छल । मुदा भेल छै गड़बडि़या काज तैँ पुल टुइटक बीचमे लीबल आ मूँहे भरे खसल छै । कल्पणा कएल जाए, जौं पुल पर आबा जाहि जारी रहित तखन केहन दुर्घटना हुअ सकैत छल ।

पुल भसैकक भथला पर सिरहा जिलाके सिडियो प्रदीपराज कनेल पुलके स्थलगत निरिक्षण सेहो कएने छैथ । हुनका संगे शसस्त्र प्रहरी , नेपाल प्रहरी सहितके सुरक्षा अङ्गके प्रमुखसभ निरिक्षणमे छलाह । चित्रश्रोत सामाजिक सञ्जाल ।