सीमाञ्चल समदिया,
जनकपुरधाम । वर्तमान समयमे बहुत थोर जनप्रतिनिधि छै जे अप्पन हित त्यागिक जनहितकारी काज करैत छै । अपन घरके आंटा गील क’क’ दोसरके भूख मेटाबमे लगैत छै । महोत्तरी भंगहामे तेहने जनउसासी मेयर लोक पौने छै ।

भंगहा नगरपालिकाके मेयर संजिवकुमार साह नगरपालिक कार्यालयके भवन निर्माण हेतु अप्पन निजि बेसकीमती जग्गहमेस’ १० कठ्ठा जग्गह दान दिअके घोषणा कएलाह ।

भंगहा नगरपालिका वडा नम्बर-५ सीतापुरमे रहल अप्पन १० कठ्ठा जग्गह नगरपालिकाके प्रमुख प्रशासनिक भवन निर्माण करब बास्ते प्रदान करब बात सामाजिक सञ्जलमे लीखलाह । तत सम्बन्धमे पछला पर ओ सत्य बात छै ।

जीवनमे सम्पति राइखक कि होतै । जे धन जनभलमे काज नइ आएल ओ धन कोन काजके सीमाञ्चल समदियाके प्रश्नक उतारा दैत मेयर सह कहलाह ।

मेयर साह नपाकेँ कार्यालय निर्माण हेतु प्रदान करएबाला भूमिकेँ मोल प्रतिकठ्ठा १५ लाख रुपैया रहल छै । अइ हिसाबस’ डेढ़ करोड़ मूल्य बराबके जग्गह भंगहा नगरपालिका कार्यालय लेल स्थायी सम्पतिक रुपमे भजाएत ।

अइस’ मेयर साहकेँ लोकप्रियतामे सेहो चाइर चान लागत राजनीतिक हाइट सेहो बृद्धि होएत समाजक लोक बेस जश दए रहल छै ।