सीमाञ्चल समदिया,
जनकपुरधाम । नगरवासीके मात्रे नइ आन गाम-ठामके बासी समेतके आबाजाहीमे सहजता हेतु मटिहानी नगरपालिका झुलुंगे पुल निर्माण पुरा कराओल गेल छै । नेपाल सरकारके सशर्त अनुदान रकम एवं मनपाके संयुक्त लगानीमे पुल निर्माण काज पुरा भेल छै ।

मटिहानी वार्ड नं.६ स्थित बिग्ही नदीमे पुल निर्माण कएलगेल छै । मनपाके ५२ लाख टाका लगानी भेल झु्लुंगे पुल ३२ मीटर नम्हर एवं डेढ़ मीटर चौड़गर बनाओल गेल छै । नव निर्मित पुलके एकटा समारोहबीच मनपाके मेयर हरिप्रसाद मण्डल उद्घाटन कएलाह ।

झुलुङ्गे पुल निर्माण उपभोक्ता समितिके अध्यक्ष कलिम अंसारीो सभापतित्वमे उद्घाटन कार्य सोमदिन सम्पन भेल । कार्यक्रममे मनपा वार्ड नं. २, ६,७ ,८ नम्बरके वार्ड अध्यक्ष क्रमशः रामबाबू नायक, जीतनारायण माझी, गणेशप्रसाद साह, शिवचन्द्र झा सामेल छलाह ।

मटिहानीके पूर्वगाविस अध्यक्ष रामकुमार मंडल, प्रशासकीय अधिकृत राजेश शर्मा, कार्यपालिका सदस्य बेचनी मण्डल, सुनकेसी चौधरी, पूर्वकर्मचारी बरुण मण्डल, रामजी मण्डल, जि.स.स. सदस्य रामलखन पंजियार, इन्जिनियर विमलेश साह,सामेल छलाह ।

तहिना पार्टी प्रतिनिधि नागेन्द्रलाल कर्ण, जुगेश्वर खत्बे, जुगेश्वर यादव, शिक्षा संयोजक चन्देश्वर साह, नुर मोहम्मद राईन सहितके लोकसभकेँ सहभगिता छल ।

अहितरहें सशस्त्र प्रहरी बल ९ न. गण जलसागरके सशस्त्र प्रहरी उपरीक्षक सुरेश सापकोटाके विदाई सेहो कएलगेल छै । महोत्तरी जिलास’ बदली भ’क’ जाए लागला पर नगरप्रमुख मण्डल मटिहानी स्थित अतिथिगृहमे सम्मान सहित विदाह कएलगेल छै ।

मटिहानी स्थित लक्ष्मीनारायण मन्दिरके चित्र एवं गमछा ओढाक एसपी सापकोटाके मेयर मण्डल सम्मान बिदाह कएलाह ।