सीमाञ्चल समदिया,
जनकपुरधाम । विकास निर्माणके गतिमान बनाबैत आएल मटिहानी नगर पालिकाके मेयर हरिप्रसाद मण्डल एक समारोहबीच सामुदायिक भवनके उद्घाटन कएलाह ।

जनअपेक्षित काजद्वारा लोकक मन जीतबाला विकासी मेयरके रुपमे मण्डलके नव पहिचान स्थापित भरहल छै । तेकर परिणति छै एककेबाद एक विकास योजना सम्पन्न भेल खबर दिन दिन आइब रहल छै । आइ बृहस्पति दिन अखनु दू घण्टा पहिने

मटिहानी नगरपालिका नगर कार्यपालिकाके कार्यालय धिरापुरमे २३ लाखके लागतमे नव-निर्मित बैठक कक्षके उद्घाटन काज सम्पन्न मेयर मण्डलव्दारा कएलगेल छै ।

नवनिर्मित बैसारकक्षके उद्घाटन कार्यक्रममे वाडध्यक्षसभ शिवशंकर राय, शिवचन्द्र झा, रामबाबु नायक, जितनारायण माझी, गणेश प्रसाद साह, आविद हुंसैन सहभागी छलाह ।

तहिना नपामे कार्यरत् जनस्वास्थ्य अधिकृत पवन मण्डल, रामजिवन साह सहित विभिन्न वार्डके वार्डसचिव जिवेन्द्र कणर्, विकेशकुमार झा सामेल छलाह । स्थानिय भद्रलोक हरिशचन्द्र ठाकुर, विजय ठाकुर, शिक्षक रामदयाल मिश्र आदिके सेहो भवन उद्घाटनी जमघटमे सहभागिता देखल गेल ।