सीमाञ्चल समदिया,
जनकपुरधाम । महोत्तरी जिलाके मटिहानी नगरपालिका बहुतराश विकास निर्माणक गतगर काज कए लोककेँ गदगद सेहो कएरहल छै ।

मानविकासके दृष्टिगत करैत गरीब दलीत परिवारके चुल्हा पर धूवाँधूकुरमे भोजन बनाबके बाध्यतास’ हटाबके काज कए फेर उदारहनीय बनल छै मेयर हरिप्रसाद मण्डल !

मटिहनाी नगर पालिकाके मेयर मण्डलके सद्प्रयासस’ महिलासभकेँ समस्याप्रति समेत गम्भिर होइत गैस चुल्ही आ भरल सिलेण्डर भोजन बनाब लेल प्रदान कएलाह ।

मटिहानी भितरमे रहल गरीब, दलीत, पीछड़ल वर्ग समुदायकेँ गैस सिलेण्डर दुचुल्हिया चुल्ही घरेघरे प्रदान कएल गेल छै । महिलासभके जड़ना-काठी, पत्ता, करसी पर भोजन बनाबमे धूवाँमे आँइख करज्जनी करैत भानस बनाब पड़ैत छल । ओ बाध्यतास’मुक्त समेत कराओल गेल छै । जाहिस’मेयर मण्डलकेँ महिलासभ बराइ करैत आ धन्यवाद दैत नइ थकैत छै ।

मटिहानीके १३३ घर परिवारमे घरगृहणीसभकेँ एकठाम संगोर कए एकटा समारोहबीच गैसचुल्ही,रेगुलेटर, लाइटर, पाइप, आ भोजन बनाबाला एलपी गैसस’ भरल सिलेण्डर प्रदान कएलगेल छै से जनतब भेटल । जन सरोकारस’ जुड़ल ई ठोसगर भरोसगर आ प्रशंसनीय काज मेयर मण्डलव्दारा कएलगेल छै ।