सीमाञ्चल समदिया,
जनकपुरधाम  । भेटेरिनरी अस्पताल तथा पशुसेवा विज्ञ केन्द्र धनुषा हरकतमे आएल छै । शुक्रदिन पशु-पन्छी एवं कृषि जन्यक्षेत्रमे उपयोगमे आबबाला सूइया-दबाई बिया, आदि बिक्रीकर्ता सभकेँ दोकानमे छापामारी कएलगेल ।

सम्बन्धित दोकानसभमे बिक्री कएल जाएबाला दबाई सतिहके सामग्री कतेक गुणकारी छै, अथवा सालगस्ती म्याद गुजैरगेल त’ बिक्री नइ कएल जारहल छै तेकर जांच-पड़ताल हेतु अनुगमनी छापामारी कएलगेल । ज्ञानकेन्द्रके प्रमुख डा.जिवेन्द्र झाके अगुवाईमे संयुक्त अनुगमन समूह खटल छल ।

समूहमे जिला प्रशासन, जिला प्रहरी,धनुषा एवं नापतौल तथा गुणस्तर कार्यालयकेँ प्रतिनिधिसभ अनुगमनमे सामेल छल ।
छापामारी क्रममे जनकपुरधामके भानुचौक स्थित जानकी भेट फर्मा नामक दोकानस’ म्याद गुजर दबाई भेटल जाहिके नियन्त्रणमे        लेल गेल । संगेसंग नेपालमे बेचब अनुमति नइ रहल तेहनो दबाई सभ भेटला पर दबाईसभ अनुसन्धान हेतु नियन्त्रणमे लेलगेल ।

जनकपुरधामके आन दोकानसभमे सेहो अनुगमन करैत म्याद गुजरल दबाई भण्डारण दोकानस’ हटाक अलगे स्थानमे राखल जाए, सूईयासभ फ्रिजमे राखब हेतु तापक्रम मेन्टेन क’क’राखल जाए से नसिहत समेत सम्बन्धित दोकान्दार सञ्चालक सभकेँ देलगेल जनतब भेटल अइ ।