सीमाञ्चल समदिया,
जनकपुरधाम । देश आ जनताके उत्रम स्वास्थ होए ओहि लेल राज्यपक्षके हरेक प्रयास करैत रहब अनिवार्यता होइत छै ।

राज्यके नागरिकव्दारा समय समय पर दान कएल जाएबाला रक्तके रकम असुलब काज राज्य हंकबैयाव्दारा होइत छै । तेकर एकटा उदाहरण अइ समाचारसंग रहल पत्रके अध्ययनस’ लेल जासकैए ।

‘राष्ट्रिय जनस्वास्थ्य प्रयोगशाला’ टेकु काठमाण्डौव्दारा निर्गत पत्राअनुसार रक्तके प्रति युनिट ८१० स’१६४० टाका रकम लेल जाए लेल कहलगेल छै ।

जे रक्त लोक रक्तदान जीवन दानके भावनास’ दान करैत छै ओकर मूल्य सरकारके सरोकारी निकाय असुल उपर करब हेतु सचिबस्तरीय बैसारस’ निर्णय क’क’ देशभैरके रक्त भण्डार बैंक आदिके निदेर्शित कएने छै ।

समान्य शुल्क लेल जासकैए जे लेलजाए चाही मुदा आठ सयस’ डेढ़ हजारधैर रकम लेब अनुचित छै ।

अइस’मंगनी लेल मानवरक्षक नाम पर संग्रहीत कएलगेल रक्तके मानवरक्षाके लेल मोल लेब पड़त तेहन आपत्ति जनक व्यवस्था कएलगेल छै ।

प्रयोगशालाके निर्देशक डा.रुणा झा हस्ते पत्र जारी भेल छै ।

२०७९ जेष्ठ-१८ गते जारी च.नं.१२६४ के निर्गत पत्रमे नेपाल सरकार स्वाथ्य तथा जनसंख्या मन्त्रालयके २०७८/१२/२२ गतेके सचिव स्तरीय बैसारके निर्णयस’ सेवा शुल्क समायोजन क’क’ उल्लेखित अनुसारके रक्तके दररेट कायम कएल गेल, कहलगेल छै ।

कायम कएलगेल दर अनु्सार शुल्क ल’क’ रक्त सञ्चार केन्द्रसभ रक्त उपलब्ध कराबए । ओहि हेतु रक्त सञ्चार केन्द्रसभके पत्राचार कएलगेल बुझमे अबैत छै ।