सीमाञ्चल समदिया
जनकपुरधाम । बिधुतीय करेन्ट पोलमे प्रवाह भेलास’ ओइमे सैटक एकटा चौपाया प्राणिकेँ मृत्यु भेल छै । जनकपुरधाम उपमहानगरपालिका वार्ड नं.६एवं ८ अन्तर्गतके सीमाना चौकमे आइ  बुधदिन दिनमे १०बजेके ओनपोनमे घटना भेल  ।

जानकी मन्दिरके पछा दशरथतलाव पोखरिकेँ पुरुब उत्तरवारी कोन्टा लग रहल बिधुतीय पोलमे करेन्ट प्रवाहित भगेल छल । जाहिबातके जनतब ककरो नइ भेल । भैसी ओइ दने गेल आ अपन देह पोलमे जहिना रगड़ाएल की चिकरए लागल आ किछुए कालमे तर्राकस’ खसल आ मैरगेल । प्रत्यक्षदर्शी बटोही सीमाञ्चल समदियाकेँ बतौलक ।

जनकपुरधामके व्यस्त सड़क-बाट समेत रहने कखनो कोना मानवीय क्षति हुअ सकैत छल । मुदा भैंसीको रगड़ा लेने ओकर मृत्यु पछाइते लोक जनलक पोलमे करेन्ट प्रवाह भरहल छै । घटनाके बाद ततकाले प्रहरी जुमल । नेपाल बिधुत प्राधिकरणके फोन कएलक कर्मचारीके बजौलक । लाइन कटबौल । सम्भावित घटनाके टारब काजमे प्रहरी मुस्तैजी देखौलक  ।