सीमाञ्चल समदिया,
जनकपुरधाम । बिजली करेन्ट लाइगक प्रदेश दूमे एकटा दलित महिलाके बुधदिन मृत्यु भेल छै । वारा जिलाके सिमरौनगढ़ नगरपालिका वार्ड-१० अन्तर्गत बिधुत प्रवाहित चापाकलमे सैटक महिलाकेँ मृत्यु भगेल स्थानीयद्वारा कहलगेल छै ।

वार्ड नं.१०के टेकापुर गामके टेंटवा टोलमे स्थानीय झलिया देवी दुसादिनकेँ मृत्यु भेल छै । पैतालिस-पचास वर्ष जतेक आयुके दलित महिला गामस’ कनेक दूर फटकीमे रहल मोटरलागल कल चलाब गेलापर मृत्यु भगेल । कलमे करेन्ट प्रवाह भगेला पर ओ ठाम्मे ओतहि मइरक कलेपर खैस परलीह तेहन जनतब भेटल ।

घटना कतेक विदारक छै ओ फोटो देखक अनुमान लगाओल जासकैए । घटना रहस्यमय छै ।

कलमे करेन्ट  प्रवाहित कोना भगेल ?  ई जांच आ अनुसंधानके विषय छै , ओतुका प्रहरी विशेष अनुसंधानमे लागल छै ।