सीमाञ्चल समदिया,
जनकपुरधाम । सिन्धुली महोत्तरी जिला सीमानासंगे जुड़ल धनुषा जिलाके ‘तल्लोबाहुनमारा’मे ‘खानेपानी तथा सरसफाई उपभोक्ता समिति’के वार्षिकसभामे पानिके उपयोग करए पर छलफल हेतु प्रस्ताव पेस कएल गेल छै ।

पानिके श्रोतीक्षेत्रमे शुद्ध पीयबाला पानिके अभाव खटैक रहल छै तेकर पुष्टि अहूस’ कएल जासकैए । प्रकृति श्रोतस’ उपलब्ध हुअबाला पानि  एक परिवारमे महिनामे एकबेर १५,स’ २०,हजार लिटर मात्र समितिके मादे पीय लेल देल जाएत । जे योजना साधारणसभामे अनुमोदन हेतु शनिदिन पेस भेल ।  कार्यक्रमके मुख्य अतिथि अग्रज पत्रकार तोरणकुमार कार्की मादे ओ जनतब भेटल ।

‘तल्लोबाहुनमारा खानेपानी तथा सरसफाई उपभोक्ता समिति’के २१औं साधारणसभामे प्रस्तुत कएलगेल उल्लेखित प्रस्तावमे सहमति बनल अनुसार १५ वा २० हजार लिटर पीयबाला पानि समान रुपस’ सभकेँ उपलब्ध कराओल जाएत ।

मिथिला नगर पालिका वार्ड नं.११ स्थित कालीखोला सामुदायिक बन उपभोक्ता समितिके भवनमे सभा सञ्चालन भेल छै । उपभोक्ता समितिके अध्यक्ष देबीबहादुर कार्कीके सभापतित्वमे एवं अग्रज पत्रकार, रातु विकास परिषद्के अध्यक्ष कार्कीके प्रमुख आतिथ्यमे एक्कैसम् वार्षिक साधारणसभा शनिदिन भेल ।

ओहि अवसरमे प्रमुख अतिथि कार्की, उपभोक्ता समितिके पूर्बअध्यक्ष सुर्यबहादुर कार्की, पुर्बउपाध्यक्ष दुर्गादेवी कार्कीकेँ दोसल्ला ओढ़ाक विशेष रुपस’ सम्मानित सेहो कएल गेल । शुद्ध पेय जल एवं सरसफाई कार्यमे विशेष सक्रियता देखाक समाजके अतुलनीय उसास कएने रहलास’ हिनकासभकेँ विशेष सम्मान कएलगेल बुझमे आएल ।

साधारणसभामे कोषाध्यक्ष बार्षिक आयब्यय प्रस्तुत कएलाह । शिक्षक जनकप्रसाद पौडेलव्दारा सञ्चालित सभामे शिक्षिका उषा कार्की,टोल विकास संस्थाके संयोजक टेकेन्द्र कार्की, प्रेम कार्की, जुनु थापा सहितके सहभागीसभ अपन अपन धारना रखने छलाह ।

पानि खपतके जाँच करएबाला मीटर उपभोक्तासभके घर देहरी पर लगाओल जाचुकल छै । ओ जनतब दैत उपभोक्तासभकेँ आगामी दिनमे आवश्यकता अनुसार पानि उपलब्ध कराब लेल कोना, कोन तरहें, कतेक दस्तुरमे पानि उपलब्ध कराओल जाय, छलफलके विषय बनल ।

पानि खपत मुताबिक मीटर जाँच क’क’ दस्तुर लेल जाए, महिनावारी शुल्क, आदि कार्य-विषय सेहो साधारणसभाके मुख्य विषय छल । जाहिपर सहभागीसभ बीच छलफल एवं निर्णय समेत भेल बात बुझमे आएल ।