सीमाञ्चल समदिया,
जनकपुरधाम । नम्हर समयस’ सामाजिक सेवामे लागल बाम राजनीतिकके सच्चा पहरेदारीकर्ता, कर्मट इमान्दार मीलनसार लोक महादेव यादव अइ संसारस’ काइल्हखन सोम दिन विदाह भगेलाह ।

नेकपा (माओवादी केन्द्र) के केन्द्रिय सदस्य समेत रहल दिवंगत यादव किछु महिनास’ बेमार रहेत आएल् छलाह । ओ क्यान्सरस’ पीडित छलाह आ निरन्तर उपचारमे छलाह । उपचारके क्रममे हुनक देहावसान भगेल छल । हुनक निधनस’ गाम समाजक लोक स्तब्ध भेल छै ।

एकटा कर्मठ सिद्धान्तबादी जनसेवक गुमल छै । एहन धारना आइ मङ्गल दिन हुनक अन्तिम दैहिक संस्कार हुअस’ पहिने धनुषा पधारने नेकपा माओवादी केन्द्रके अध्यक्ष एवं पूर्व प्रधानमन्त्री पुष्पकमल दाहाल प्रचण्ड रखलाह ।

पार्थिव शरीर पर पार्टीकेँ झण्डा ओढाक, माला फूल चलाक, अबीर चानन लगाक अन्तिम श्रद्धाञ्जलि अध्यक्ष प्रचण्ड देलाह । ‘‘नेपालके राजनीतिक परिवर्तनमे दिवंगत यादव खलने महत्त्वपूणर् भुमिका कहियो नइ बिसरल जाएत ।

हुनकर संघर्षक यात्रा जनसेवी भावना सदैव हमसभ स्मरण करैत रहब । एहन वीर योद्धाकेँ देहावसानस’ पार्टी सेहो मर्माहत भेल छै ’’ अध्यक्ष प्रचण्ड अपन संक्षिप्त धारना राखैत कहलाह ।

शोकाकुल परिवारजन प्रति धैर्यता लेल एवं सम्वेदना ब्यक्त करब हेतु पूर्व मन्त्री एवं माओवादी नेता मातृकाप्रसाद यादव, योगकुमार बरबरिया यादव, बोधमाया यादव, रामकुमार शर्मा, दिपक यादव सहितक नेता कार्यकर्तासभके हुजुम जुमल छल ।