सीमाञ्चल समदिया,
जनकपुरधाम   ।
सत्ताधारी दल नेपाल कम्युनिष्ट पार्टीक उपाध्यक्ष वामदेव गौतमकेँ राष्ट्रिय सभामे सदस्य बनाओल जाए लेल राष्ट्रपति समक्ष सिफारिस कएल जाए ओ निर्णय सरकार आइ कएलक । राष्ट्रियसभामे रिक्त रहल एकटा सदस्य पदमे गौतमको नियुक्त क’क’ पदपूर्ति कएल जाए लेल राष्ट्रपति समक्ष सिफारिस कएल जाए, ओ निर्णय सोमदिनक मन्त्री परिषद्केँ बैसारस’ सरकार कएने छै ।

पार्टी संगठन विभाग प्रमुख समेत रहल गौतमकेँ एहे भादव बितल १८ गते सत्ताधारी दल नेकपा  राष्ट्रियसभामे पठाबके निर्णय कएने   छल । मुदा पार्टी अध्यक्ष एवं प्रधानमन्त्री केपी शर्मा ओली सहमति नइ छलाह तैँ निर्णय आगु नइ ससरल छल । पार्टीके दोसर अध्यक्ष पुष्प कमल दाहाल प्रचण्डसँग छलफल भेला पछाइत सोमदिन मन्त्रिपरिषद्स’ निर्णय कराक गौतमकेँ राष्ट्रियसभामे पठाबके निर्णय भेल छै ।

सरकारद्वारा सिफारिस कएलगेला पर राष्ट्रपति विद्यादेवी भण्डारीव्दारा नियुक्त कएल जाएबाला कोटास’ पूर्व उपप्रधान एवं गृहमन्त्री समेत भचुकल गौतम राष्ट्रियसभामे प्रवेश भजाएत ।

वामदेव गौतम पछिम नेपालके बर्दिया जिलास’ प्रत्यक्ष निर्वाचनमे पराजित भेल छैथ । जनतास’ हारल-नकारल सेहो संसद बनत आ जौं संविधान संशोधनके जे हल्ला छै ओ भगेल तखन मन्त्री, प्रधानमन्त्रीयो भइए जाएत । राजनीतिक सहमतिके नाम पर एहन व्यवस्था कायम रहत त’ जीतत तैयौ, हारत तयौ , हारल-नकारल मन्त्री, संसद बनबे करत ।