सीमाञ्चल समदिया,
जनकपुरधाम । कोरोना महामारीके कारण देशमे बन्दाबन्दी जारी छै । बन्दाबन्दीके अखनुका समयमे सेहो जङ्गलस’ कटानी कएल काठ-लकड़ीके तस्करी जारी रहल छै । एहन बात वन कर्मचारीव्दारा पकरलगेल लकड़ीस’ पोल खुजैत छै ।

मङ्गलदिन धनुषा जिलाके लालगढ़ स्थित सवडिभिजन वन कार्यालयस’ खटल सशस्त्र वनरक्षक गस्ती समूह जङ्गलस’ कटानी कएल काठ-लकड़ी लजारहल क्रममे पकरबमे सफल भेल ।

सबवन अधिकृत मदन चौधरीकेँ नेतृत्वमे खटल सशस्त्र वनरक्षक समूह एवं वन कर्मचारीसमेतकेँ सहयोगमे १०टा सखुवाके खम्नी (तछुवा फल्ली) एवं एकबोझा जाड़ना पकरबमे सफल भेल छै ।

जङ्गलस’ कटानी कएल लकड़ी ल’क’ जाइत क्रममे काठ कटान कए तस्करीकर्ताकेँ गस्ती समूह पर दूरस’ नजर पड़ला पर मोती धारमे  काठ छोइरक भाइग गेल ।

तेकरबाद बेवारिस अवस्थामे रहल ओ काठसभ मोती धारस’ वन कर्मचारी उठाक आनलक । डिभिजन वन कार्यालय धनुषाके कर्मचारी बैजनाथ सिंह सीमाञ्चल समदियाकेँ जनतब देलाह ।

बन्दाबन्दीके समयमे जङ्गल कटानी बढ़ब आ तस्करी होएब ओ सम्भावना अधिक रहने डिभिजन वन कार्यालय वन अनुगमनमे तिब्रता अनने छै,सेहो बुझएमे आएल ।