सीमाञ्चल समदिया
जनकपुरधाम ।  प्रदेश-२के सिरहा जिला अन्तर्गत मिर्चैया नगरपालिकास’ नलकटुवा पेस्तोलसहित तीन गोटे युवाकेँ प्रहरी पकरल , से जनतब देलगेल छै । मिर्चैया नपा.वार्ड नम्बर ५ बाह्रबिघामे चेकजाँच करब क्रममे प्रहरी मोटरसाइकिलमे सवार दूटा युवककेँ प्रतिबन्धित अस्त्र पेस्तौल सहित शुक्रदिन राइतमे पकरलक, प्रहरी जनौने छै ।

को ३५ प ४०१३ नम्बरके मोटरसाइकिलमे सवार मिर्चैया नपा. वार्डनं. ६ रहनिहार १९ वर्षीय अजय शर्मा, मिर्चैया नपा वार्ड नं.५ रहनिहार १९ वर्षके ज्ञानुकुमार मण्डलकँे संग तलासी कएला पर एकटा नलकटुवा पेस्तोल भेटल ।

प्रहरीव्दारा पक्राउ परल शर्मा आ मण्डलकेँ पुछताछ पछाइत मिर्चैया नपा वार्ड नं.५ मे किराना दोकान करैत आएल व्यवसायी ३९ वर्षीय रमेश साहकेँ समेत प्रहरी पकैरक कार्यवाही आगु बढौने छै । जिला प्रहरी कार्यालय सिरहाके प्रहरी प्रवक्ता बिनोद घिमिरे अइ बातके जनतब आइ पत्रकारसभकेँ देने छैथ ।