जनकपुरधाम । ज्ञान-गुणके सागर पुस्तक होइत छै । मुदा आइ-काइल्ह पुस्तक पढ़ब आदैत लोककेँ हेराएल जारहल छै । जाहिप्रति जागरुकता बढाब लेल एतह साँझ प्रकाशन प्रादेशीक कार्यालयव्दारा अत्याधिक छुटसंग पुस्तक प्रदर्शनी सञ्चालन कएलगेल छै ।

मिथिला बिहारी नगरपालिकाके मेयर राजेन्द्रप्रसाद यादव विशेषअतिथिके रुपमे पुस्तक प्रदर्शनीके एकटा कार्यक्रमबीच उद्घाटन कएलाह ।

मङ्गलदिन जनकपुरधाम किशोरीनगर स्थित साँझा प्रकाशनके मधेश प्रदेश स्तरीय कार्यालयमे पुस्तक प्रर्दशनी शुरु कएलगेल छै ।

महंगी एवं आधुनिक बिधुतीय उपकरणसभके मायाजाल तेहन पसैरगेल छै । जाहिस’ पुस्तकप्रति लोककेँ आकर्षण कम भरहल छै । ओहि तथ्यके दृष्टिगत करैत साँझा प्रकाशन न्युनतम् ३० प्रतिशतस’ अधिकतम् ८० प्रतिशतधैर छुटमे पुस्तक बिक्री शुरु कएने छै ।

पुस्तक प्रकाशन अवधि अनुसार निर्धारित मूल्यमे साँझाके पुस्तकमे अधिक एवं वाहरी प्रकाशनमे कनेक कम मुदा अधिकतम् छुट देल जारहल छै । ओ जनतब साँझा प्रकाशन प्रादेशीक कार्यालयके प्रमुख दिलीपकुमार गुप्ता कार्यक्रममे बतौलाह ।

“कतबो आधुनिकतामे रमल रहो लोक, पुस्तकके महत्व कहियो नइ घटत । स्थानीय पालिकासभके सड़क, भवन, आदि भौत्तिक विकासकेँ संगेसंगे पुस्तकालयसभ सेहो अप्पन अपन पालिकास्तरमे सञ्चालन कएल जाय चाही”। युवा साहित्यकार एवं पत्रकार श्यामसुन्दर शशि उद्घाटनमे अपन धारना रखैत कहलाह ।

प्रत्येक पालिकामे आधुनिक शिक्षा पद्धतिके विकास हेतु पुस्तकालय सञ्चालन एकटा प्रमुख अङ्गके रुपमे कएल जाय चाही । जाहिस’ समाजक गरीब कमजोर पढ़बमे रुचि रखनिहार कोनो उमेर समूहके लोक निशुल्क जाक पुस्तक पत्रिका पैठ सकैए आ ज्ञान-गुण लुइर बुद्धि सीख सकैए । एहिदिशामे पहिने ध्यान देल जाय चाही ! पुस्तक प्रदर्शनी स्थलमे सेहो बात पत्रकार, साहित्यकार प्राध्यापक शशि कहलाह ।

‘हमसभ अपन पालिका अन्तर्गत एकटा नीक पुस्तकालय स्थापना हेतु प्रयास करजारहल छी । जाहिस’ युवा वर्ग नीक शिक्षा, लुइरबुद्धिके जानकारी पाओत । हम ओ काज करब मेयर यादव भरोस दैत साँझाके प्रयासके सराहना कएलाह ।

कार्यक्रममे नेकपा एसके नेता रत्नेश्वरलाल गोइत, साँझाके कार्यालय सहयोगी अमरकुमार यादव, सीमाञ्चल सम्पादक उपेन्द्रभगत नागवंशी, पत्रकार किशोर मण्डल सहितक नामीगुणी लोकसभके प्रदर्शनीमे उद्घाटनमे सहभागीता छल ।