सीमाञ्चल समदिया
जनकपुरधाम । मिथिलिा बिहारी नगरपालिकाकेँ नगरसभा सम्पन्न भेल छै । अइबेरके नगरसभास’ नगरविकास लेल ४४ करोड़ ८२ लाख २० हजार ४ सय ६० टाका बजेट विनियोजन कएलगेल छै । नपा अपन पीसीआर मशिन कीनत, ताहु लेल बजेट छुटियौने छै ।

नगर प्रमुख अनिलकुमार यादवके सभापतित्वमे सभा भेल । मिविनपा अन्तर्गत कूल दशटा वार्ड रहल छै । प्रतेक वार्डकेँ विकासी काज हेतु कूल साढ़े ९ करोड़ टाका बजेट विनियोजन कएलगेल छै ।

कोरोना महामारीस’ जनताकेँ जोगाब लेल नपा अइबेरके बजेटमे बेसी प्राथमिकता देने छै । कोरोना संक्रमितके जाँचके दायरा बढ़ाब लेल नपा अपन पीसीआर मशिन कीनत, ताहु लेल बजेट छुटियौने छै सेहो जनतब मेयर यादव देलाह ।

बितल आखार २५गते भितरमे नगरसभा करब कानुनी प्रावधान छै । तथापि सभबेर मिबिनपा नगरसभा कुसमयमे करैत आएल छै । प्रस्तुत नीति तथा कार्यक्रम प्रति अइबेर उपप्रमुख अनिता साह असन्तुष्टि ब्यक्त कएने छैथ । आ, सभकेँ दोष दैत छैथ ।
कोरोना महामारीकेँ कारण अइबेर समयमे नगरसभा नइ हुअ सकल आरो बेर समय पर भेल दाबी मेयर यादव कएलाह । समयमे सभा नइ होबमे हमरे दोष ? हम दोषी छी त’ नगरसभामे सामेल बार्डअध्यक्ष, सदस्य आदि सभ दोषी छै ! सेहो उत्तरदायी प्रश्न मेयर यादव कएलाह ।