सीमाञ्चल समदिया
स्थानीय प्रशासनद्वारा मंगलदिनस’ लगाओल गेल निषेधाज्ञाकेँ कारण जनकपुरधाम बन्द रहल । पहिल दिनके बन्दीमे लोकबन्दीकेँ पूर्णपालन करैत अपन–अपन घर–गृहमे समय बितारहल छै । लोक अहूदुवारे घरमे कैद रहब लेल बाध्य बनल, सोमेदिनस’ प्रचण्ड रौद एवं गर्मी अधिक रहल छै ।

कोभिड–१९कोरोना संक्रमितकेँ संख्या दिनानुदिन बढ़ैत गेला पर लोक–समाज चिन्तीत बनल छै । मुदा चिन्ता अनुसार लोक सचेतना अपनाब नइ सैक रहल छै । तकर बहुत राश कारण छै । तकर मूल कारण छै अभाव ! जनताके सरकार जनताप्रति सेहो जवाबदेहीता इमान्दारीसंग निमाहबमे बहुत पाछा छै । तैं जनतामे निरासा स्वाभाविक भगेल छै ।

जनताके नाम पर सत्तामे सन्हियाएल आ प्रतिपक्षीमे सामेल दल समेत एवं ओरक नेता जनताकेँ निशोधाह कएने छै । भगवान भरोसे आमजनता काहि कटैत बाँच’ पर विवस छै । जनताकेँ पीड़ाके देख’ सुन’ बुझ’ गमबाला केओ नइ !अपन दैनिकी खेबा–खर्चाकेँ पूर्तिलेल लोक कोनो धरानीस’ कोरोना महामारीयोकेँ समयमे बेपरवाहीस’ लागल रहैत छै ।

कोरोना महामारीकेँ डर साफे नइ होए तेहन कार्य व्यवहार जानियोक आ मजबूरीवस सेहो लोक करैत छै । जाहिस’ जनसेवक सरकारक टहलु प्रहरी प्रशासनीक लोककेँ सेहो अपन काज करबमे कठिनाइ होइत छै ।

जनभल लेल मिथिला नगरी जनकपुरधाममे स्थानीय प्रशासन निषेधाज्ञा माने कार्फु लगाबके काज कएलक । साओन २०गते मङ्गल दिनस’ नगरक्षेत्रमे एकसप्ताह लेल कार्फु आदेश प्रशासन जारी कएने छै ।दूलाख जतेक जनसंख्याबाला जनकपुरधाममे कोरोना माहामारी समुदाय स्तरमे फैलल जारहल छै, ताहिके रोकब लेल प्रशासन कार्फु आदेश एकटा बिकल्पके रुपमे जारी कएलक । लोक कार्फु बेगैर मानहु बाला नइ छल । कोरोना संक्रमणकेँ चयनकेँ तोड़ब लेल ई आवश्यको छै ।

अइस’ उद्योगी, बेपारी आ सर्वसाधारणकेँ कठिनाइ त’ होएत मुदा रोगस’ बाचब उपाय लेल एहे उपाय ठीक रहने प्रशासन कार्फु लगौलक हमसभ एकर पालन करी ! चिकित्सकीय निर्देशकेँ पालन करैत घरमे रही सुरक्षित रही । अपनेस’ अपनाकेँ ख्याल राखी । हिम्मत नइ हारी । केओ देख आ सहारा दिअबाला नइ हय से माइनक चली ।