जनकपुरधाम । सनातनधर्म मानवाला समुदायके देवी भगवतीके मुकुट सहित चोरी कएनिहार चोर गिरोहके पकरमे धनुषा प्रहरी सफल भेल छै ।
एहे फागुन बितल १४ गते रातिमे १२ बजेके ओनपोनमे, जनकपुर-महेन्द्रनगर सड़कखण्डमे  सपही लग राजदेवी मन्दिरमे चोरी कएलगेल छल ।

रमदैया गाम जायबाला मेडिकल कलेज चौकलग हाइबेमे रहल राजदेवी मन्दिरमे देवीके चानीके मुकुट सहित चोराक चोरसभ निप्ता भगेल छल । लोक आस्था एवं विश्वासप्रति धक्का लगाबके काज मात्रे ओहि घटनास’ नइ भेल ।

धनुषा प्रहरी प्रशासनके सुरक्षा पर सेहो प्रश्नचिन्ह खाड़ करब काज भेल छल । मुदा प्रहरीके खोजतलाश आ परिश्रम रङ्ग लौलक । आइ धनुषा प्रहरी मादे सार्वजनिक कएलगेल अनुसार चोरनराह युवा जमातके गेंग छल जे भगवानकेँ चानीके मुकुट चोरी कएने छल फरिछौलक ।

पाँचगोटे चोर समूहके पकैरक सार्वजनिक कएलगेल छै । जाहिमे ४ गोटा गैरसनातनी हिन्दुधर्मी छै । एहिस’ एकधर्मके लोक दोसरधर्मके कोना बदनाम करैत छै ओहो पोल खुजैत छै । ओना अपराधिके कोनो जाति धर्म नइ होइत छै ।

तथापि लोक कनफूसकी कएरहल छै । मन्दिरमे जाक नपाक हरकत कएलक, भगवानके मुकुट चोराक धर्म नाश कएलक । पपीयाहासबिके पीलुवा फरो ! जे सुनतै छै ओ सुइनते एहन सराप देब लगैत छै ।

पकरल गेलहासभमे धनुषा जिला क्षीरेश्वरनाथ नगर पालिका वार्ड नं.५ महेन्द्रनगर रहनिहार ३७ वर्षके रजाक मोहम्मद छै । तहिना विदेह नगरपालिका वार्ड नं.४ निवासी ३० वर्षके सरिफ मुसलमान, २२ वर्षके नसुरुद्दिन शाह, एवं ओहि वार्ड नं.४ सुन्दरपुर गामके २१ वर्षके मो. हब्बिगुल्ला शाह रहल छै ।

एहितरहें चोर गिरोहमे पाँचम् चोरके रुपमे कमला नपा वार्ड नं.७ हथमुण्डा निवासी २२ वर्षके रमेशकुमार महतो रहल धनुषा प्रहरी प्रमुख एसपी बिश्वराज खड्का जनौने छैथ ।

पकरल गेलहासभकेँ संगस’ ११ हजार पाँचसय टाका नगद, १३ टा मोबाइल फोन, कटुवा पेस्तौल एकटा आ ओहिमे लागबला गोली एकटा, चोरी कएल गेल चानीके मुर्ति एवं मुकुटके २ किलो जतेक चानीके टुक्राटुक्री भेटल छै ।

तामाके करअंकित बस्तु १,पितरके कसोडी, गिलाश, छोटका लोटकी,दिया एकएकटा भेटल छै । तहिना तामाके छोटका गिलाससभ, लोहाके छेनी-२ टा, बडका घन-हथौरी एकटा, सलाइरिन्च, खुखरी, खन्ती एक-एकटा एवं लोहाके चारिपटिया प्राप्त भेल प्रहरी कहने छै ।

अहिप्रकारे मो.सरिफके घर तलासीस’ चरेशके थारी ७ टा, हथौरी, कमण्डल, खुखरी, लोहा काटबाला हाक्सो ब्लेड-१-टा,पासपोर्ट एवं परिक्षा प्रवेशपत्र प्राप्त भेल छै । पकरल गेलहासभके महुवा गाम लगमे तलासी कएला पर समानसब भेटल ओ बात प्रहरी खुलस्त कएने छै ।