सीमाञ्चल समदिया,
जनकपुरधाम । आगामी ३० गते हुअ जारहल स्थानीय निकायके निर्वाचन लेल पुनः उम्मेदवारी दिअ लेल स्थानीय सरकार प्रमुख, उपप्रमुख, गाउँ पालिका अध्यक्ष ,उपाध्यक्ष एवं सदस्यसभ अपन अपन पद त्याग कएने छै ।

आन ठाम जकाँ धनुषा जिलाकेँ १८ स्थानीय निकाय मादे १६ टा के निर्वाचित पदाधिकारी अपन अपन पद त्याग लीखित रुपमे कएने छैथ ।

पद त्याग करबालासभमे जनकपुरधाम उपमहानगरपालिका सहित धनुषा जिला सहित दूटा नपा बाहेक सबटा स्थानीय तहको पदाधिकारी पद त्याग कएने छैथ ।

धनुषाके नगराईन नगरपालिका एवं सबैला नगरपालिकाके प्रमुख अपन पद नइ छोड़ने छैथ । शेष सभके सभ राजीनाम ददेने जनतब भेटल ।

पार्टीस’ पुनः उम्मेदवार बनाएब ओ बात सुनिश्चित नइ भेलास’ नगराईन नपाके मेयर परमेश्वर यादव एवं सबैला नपा प्रमुख बिजयशंकर प्रसाद साह अपन अपन पदसड त्याग पत्र नइ द’ सकल छै ।

निर्वाचन पद्धति एवं सर्वोच्च अदालतके फैशला अनुसार आगामी निर्वाचनमे उम्मेदवार बनब हेतु त्यागपत्र द’क’उम्मेदवारी दिअ पड़त , तेहन प्रावधान छै ।

मुदा टिकट फाइनल नइ भेल कारण एवं पुनः उम्मेदवार नइ बनबालासभ अपन पद त्याग नइ कसकल छै ।

धनुषा जिलाके नगराइन आ सबैला दूनुमे नेपाली काँग्रेसकेँ नगर प्रमुख २०७४ सालके निर्वाचनमे विजयी भेल मेयर छैथ ।