जनकपुरधाम । कृषकसभकेँ सुविस्ताके लेल पैनी निर्माण काजके श्रीगणेश करब काज एकटा कार्यक्रम बीच आइ कएलगेल छै । मिथिला बिहारी नगरपालिका वार्ड नं.१० ठेरा गाममे स्थित बहैत जलाइध धारकातमे पैनी(कुलो) निर्माणलेल पुजा हबन करैत निर्माण काज आरम्भ कएलगेल जनतब भेटल ।

मिथिला बिहारी नगर पालिकाके मेयर राजेन्द्र प्रसाद यादव एकटा समारोहबीच शनिदिन पैनी निर्माण काज हेतु शिलान्यास कएलाह ।
धाजा गाइरक प्रकृति पुजन करैत गंगा-कमलाके गोहराबैत पैनि निर्माण काज नीकेसुखे पुरा होए ओ अभिप्रायस’ मेयर यादव काजके श्रीगणेश कएला ओ जनतब भेटल ।

अइबेर गर्मी अत्याधिक पैर रहल छै । रौद कड़ा उगैत छै आ वर्षा एक तरहें नदारथ छै । कृषकसभके धानबाल िहेतु पानि अति आवश्यक छै । धनखेती हेतु प्रसस्त पानि अइबेर तराईक्षेत्रमे नइ भरहल छै । जाहि हेतु कृषकसभ चिन्तित छैथ ।

रौदी परत कि होएत ओ अन्यौलता गृहस्तसभमे घर कएने छै । ताहि बातके दृष्टिगत करैत पैनी बनाक चौरी चांचरमे जल पुंगाक सिंचाई सुबिधामे सुविस्ता करब हेतु नगर पालिकाके सोकजगर प्रयास कएल गेल छै ।