जनकपुरधाम । जनकपुरधाम जीरो माइलस्थित नवनिर्मित ट्राफिक कार्यालय भवनके एकटा समारोहबीच उद्घाटन कएलगेल छै । नेपाल प्रहरीके ट्राफिक प्रहरी दिसके अतिरिक्त प्रहरी महानिरिक्षक (एआइजीपी) पुजा सिंह हस्ते भवनके उद्घाटन कार्य भेल छै ।

राम जानकी दुल्हा-दुलहीन मन्दिर (बेलाकुट्टी)के जग्गहमे नवका जिला ट्राफिक कार्यालय भवन निर्माणकएलगेल छै । भ्याट रकम बाहेक भवन निर्माणमे ४ करोड़ ५ लाख टाका लागल छै । भेटल जनतब अनुसार भवन साढ़ दू महला छै ।

भवन सहित करिब पाँचकट्टा जतेक जग्गह ट्राफिक कार्यालय अधिन घेरल बेरल छै । धनुषाके सिडियो सुरेन्द्र पौडेलके सभापतित्वमे कार्यक्रम भेल ।

कार्यक्रममे मधेश प्रदेशके प्रहरीप्रमुख मो.आलम खान, एसएसपी मनोज कुमार यादव, जनकपुरधामके उपप्रमुख किशोरी साह, वार्ड नं.४,७,२२, २३,२४ के वार्ड,अध्यक्ष क्रमशः सुरेश झा, निरज साह, बिमलेश मिश्र, राघवेन्द्रप्रसाद साह, उपेन्द्र साहनी,गौसंरक्षण मञ्चके अध्यक्ष जगदिश महासेठ, नेपाल रेडक्रस सोसाइटीके नरेश सिंह, अमरचन्द्र अनिल सहितक सहभगिता छल ।