सीमाञ्चल समदिया
जनकपुरधाम । कोराना महामारीकेँ चपेटामे सुरक्षाकर्मीसब सेहो आइब गेल छै । जनतासंगे प्रत्यक्ष सरोकार रखनिहारसब मादे प्रहरी अग्रतामे रहैत छै । हरेक विसम् परस्थितीमे खटैत आएल प्रहरी कर्मचारीसब मात्र प्रदेश दूमे १ सय २६ गोटे संक्रमित भेल छै ।

प्रदेश दूके प्रदेश प्रहरी कार्यालयस’ जनतब भेटल अनुसार तराईक्षेत्रकेँ जिलामे सर्वाधिक संक्रमित सिरहा, पर्सा आ सप्तरीमे रहलछै। प्रदेश-२के सिरहा जिलामे ४०, पर्सामे ३९ एवं सप्तरीमे २४ गोटे विभिन्न तहकेँ प्रहरी अधिकारी, कर्मचारी कोरोना संक्रमणकेँ सिकार भेल छै ।

संक्रमीत हुअबाला प्रहरी अधिकारी कर्मचारीसभमे प्रहरी नायब उपरिक्षक(डिएसपी)-१, प्रहरी निरिक्षक(इन्सपेक्टर)-२, प्रहरी नायव निरिक्षक(सब-इन्सपेक्टर)-७, प्रहरी सहायक निरिक्षक(असिस्टेन्ट सब-इन्सपेक्टर)-१३,गोटे कोरोना संक्रमित भेल छै ।

तहिना २७ गोटे प्रहरी हबलदार, ७० गोटे प्रहरी जवान एवं ६गोटे प्रहरी सहयोगी सेहो कोरोना संक्रमीत भेल छै । संक्रमीत सभकेँ प्रदेश अन्तर्गत विभिन्न अस्पतालके आइसोलेशन सेन्टरमे निगरानीमे एवं प्रहरी कार्यालयसभमे रहल कोरेन्टाइनमे राखल गेल छै ।

बिभिन्न घटना सम्बन्धमे सूचना दिअ आबबालासभ, विभिन्न अपराध मुद्दामे थुनुवामे रहल सभसंगे सम्बन्धितसभकेँ अभिभावक,अधिवक्ता आदिसभ भेट करए आबबालासभ रहने हुनकासभके मादे प्रहरी अधिकारी आ कर्मचारी सभमे कोभिड-१९केँ संक्रमण पटल हुअ सकैए; एहन अनुमान प्रहरी कएने छै ।
कोरोना संक्रमीत/‘पोजेटीव’ भेलहा प्रहरीसभ मध्ये मंगल दिन-९गते धैर ७७ टा प्रहरी कर्मचारी कोरोना संक्रमणस’ मुक्त भ’क’ अपन-अपन घर काम पर सेहो घुरल छै ।