सीमाञ्चल समदिया,
जनकपुरधाम । जनकपुरधाम उपमहानगर पालिका वार्ड नं.२३के वार्डअध्यक्ष पद मे २५वर्षके स्वतन्त्र  युवा उम्मेदवार राघवेन्द्रप्रसाद साह दलीय उम्मेदवारसभके हरबैत विजयी भेलाह ।

वर्षोस’ नेपाली काँग्रेसस’ आबध्द राघवेन्द्रके अन्तिम समयमे काँग्रेस आधिकारिक रुपस’ टीकट नइ देलक । जाहिके बिरोधमे जनताके मांग पर राघवेन्द्र नेकाँ त्याग क’क’ स्वतन्त्र उम्मेदवारी घोषणा कएलक ।

अखनु आएल मतगणना परिणाम अनुसार भुइकटहर छापमे अपन प्रतिस्पर्धीस’ १९४ मत अधिक लाइबक वार्डअध्यक्षमे राघवेन्द्र विजयी भेलाह ।

सुनल गेल छल १७ लाख टाकामे वार्ड अध्यक्षके टीकट वार्ड नं.२३के काँग्रेसी जिला नेतृत्व बेचने छल । जे लोक किनलक हुनका जनता नकाइर देलक ।

समाजिक कार्यमे रुचि रखैत अपन वार्डमे काज करैत आएल छलाह लोकबीच चर्चामे रहैत आएल राघबेन्द्र प्रेस स्वतन्त्रता सेनानी बरिष्ठ पत्रकार राजेश्वर नेपालीके छोट पुत्र छैथ ।

कूल ९०५ मत राघवेन्द्र के प्राप्त भेल छै । हिनक निकटतम् प्रतिस्पर्धी लोसपा नेपालस’ रामनन्दन साह छैथ । गत बैशाख-३०गते भेल स्थानीय निर्वाचनमे रामनन्दनके पक्षमे जनता मात्र ७०९ मत देने छै ।