जनकपुरधाम । प्रेस स्वतन्त्रता सेनानी, बरिष्ठ पत्रकार एवं साहित्यकार राजेश्वर नेपालीके अठहतरम् जन्मोत्सव अइबेर मनाबके भव्य तयारी कएल जारहल छै ।

नेपाली पत्रकारीताक्षेत्रके भिष्मपितामह, चलैत फिरैत जीवन्त शब्दकोसके रुपमे समेत चिन्हाइत आएल नेपालीकेँ २००८ साल भादव-१८ गते जन्म भेल छैन्ह । जनकपुरधाम वार्ड नं.२३ बेला गाममे जन्मल सर्जक नेपालीकेँ ७८म् जन्म उत्सव पर ‘रबिन्द्र साह स्मृति प्रतिष्ठान’ व्दारा अइबेर भव्य कार्यक्रमके आयोजन कएल गेल जनतब भेटल अइ ।

जन्मोत्सव पर ‘‘राजेश्वर नेपाली व्यक्तित्व आ कृतित्व ’’ पर आधारीत परिचर्चाके आयोजन कएलगेल छै । एहे भादव-१८गते, शनिदिन हुनक व्यक्तित्व एवं कृतित्वपर केन्द्रित कार्यक्रमके आयोजन कएलगेल छै । एहन जनतब आयोजक संस्थाक अध्यक्ष एवं जनकपुरधाम वार्ड नं.२३के वार्डअध्यक्ष राघबेन्द्र प्रसाद साह सीमाञ्चल समदियाके देलाह ।

सर्जक, समाजसेवी, सत्यवादी, कर्मनिष्ठ निर्भिकताके प्रतिमूर्ति नेपालीके अठहतरम् जन्मदिनके अवसर पर आयोजित हुअबाला कार्यक्रममे विभिन्न क्षेत्रस’ ७८ गोटेके विशेष रुपस’ सम्मान कएल जाएत ।

सम्मानित होबबाला सभमे साहित्यिकक्षेत्र, समाजिकक्षेत्र, साँस्कृतिकक्षेत्र, कलाकारीता, पत्रकारीताक्षेत्रमे काज करैत आएल एवं अपना अपना स्थानस’ महत्वपूणर् योगदानी रहलसभकेँ मुख्यरुपस’ सम्मान कएल जाएत । जाहिमे नेपाल भारतक विभिन्न स्थानक लोक सामेल रहत ।

नेपालके राजधानी काठमाण्डौ, मधेश प्रदेशके आर्थिकनगरि बिरगञ्ज, राजधानी जनकपुरक्षेत्रक विभिन्न क्षेत्रके योगदानीसभके अतिरीक्त सर्लाही, महोत्तरी, सिरहा, रौतहट आदि जिलाके भद्र लोकसभ सेहो सामेल रहताह । आयोजक रबिन्द्र स्मृति प्रतिष्ठानके अध्यक्ष साह सेहो बतौलाह ।

स्मरणीय छै हिनक ब्यक्तित्व एवं कृतित्व पर अभिनन्दन ग्रन्थ रचब काज पुणर्ता दिस पुंगल छै । तहुस’ अइबेरक कार्यक्रम भव्य आ सभ्य रुपस’ देखनहुत होए तेकर ओरियाओन कएलगेल छै ।