सीमाञ्चल समदिया,
जनकपुरधाम । अखनु टटके आएल मतपरिणाम अनुसार जनकपुरधाममे एमालेके वार्ड अध्यक्ष एवं धनुषाके धनौजी गाउँ पालिकामे गापा अध्यक्ष एवं उपाध्यक्षमे नेपाली काँग्रेसके उम्मेदवारके जीत सुनिश्चित भेल छै ।

धनुषा जिला सदरमुकाम मिथिलानगरि जनकपुरधामके वार्ड नं.५मे नेपाल कम्युनिष्ट पार्टी एमालेस’ आबध्द उम्मेदवार बेचन साह हलुवाई वार्ड अध्यक्षमे विजयी भेल छैथ ।

निकटम प्रतिव्दन्दी नेपाली काँग्रेसके ललित साहस’ मात्र ८ मत अधिक प्राप्त कएला पर सुरुज छापस’ बेचन जितल छैथ । वार्ड नं५के १२४४ मत गणना कएला पर बेचनके पक्षमे २९१ मत एवं ललितके २८३ मत प्राप्त भेल छल ।

अहितरहे धनुषा जिलाके धनौजी गाउँ पालिकामे नेपाली काँग्रेसके उम्मेदवार राजकुमार साह गाउँ पालिका अध्यक्षमे विजयी भेल छैथ ।

काँग्रेसस’ पुनः अहूबेर उम्मेदवार बनल रामवति मण्डल गापा उपाअध्यक्षमे जीतल छथिन ।२०७४के निर्वाचनमे सेहो उपाध्यक्षमे बिजयी भेल छलीह ।

अइतरहे विगतमे सेहो नेपाली काँग्रेस धनौजी गापाके कमान सम्हारने छल आ अहुबेर काँग्रेसीयके हातमे नेतृत्व आएल छै ।