जनकपुरधाम । नेपाली ‘रामायन’के मादे स्थापित कराबबाला विभूति ‘भानु भक्त’केँ शालिक पुनर स्थापित करब काजके श्रीगणेश कएलगेल छै ।

जनकपुरधाम उपमहानगर पालिकाद्वारा मिथिलानगरि जनकपुरधाम स्थित भानुचौकमे आचार्य भानु भक्तकेँ स्मारक एवं प्रतिमा स्थापनार्थ शिलान्यास करब काज भेल छै ।

जनकपुरधाम उपमहानगर पालिकाके मेयर मनोजकुमार साह शनिदिन भिन्सर ९ बजेक ओनपोनमे शीलान्यास कएलाह । एहि काजस’ जनकपुरधामबासी अधिकांश लोक हर्षित भेल छै ।

त्रेतायुगीन नायक-नायीका भगवान श्रीराम एवं माता सीता जानकीकेँ पहाड़ी समुदाय(नेपालीभाषीबीच)मे परिचीत एवं स्थापित कराबके काज आदिकवि भानु भक्त आचार्य रामायणके मादे करौने छथि ।

जनकपुरधाम रेल्वे टीशनस’ दक्षिण एवं जनक-शीबचौकस’ उत्तरमे रहल चौबटिया पर नेपाली भाषाके आदिकवि भानुत्रक्तके स्मारक एवं प्रतिमा पञ्चायते कालमे खाड़ कएलगेल छल ।

२०६३ सालके मधेश बिद्रोहके समयमे आन्दोलनरत् पक्षधर किछु लोकक हेंज प्रतिमा खसा देने छल । भानुचौककेँ रमेश महतोचौक घोषणा कएल गेल छल । प्रतिमा विहिन स्मारक जर्जर भगेला पर तत्कालीन जनकपुर नगर पालिका संभावित घटनाके देखैत स्मारक खसाबके काज कएने छल ।

आब ओहे स्थान पर जनकपुरधाम उपमहानपा राष्ट्रिय विभूति आदिकवि भानु भक्तके स्मारक पुनः खाढ़ करब हेतु भूमिपुजन करैत शीलान्यास काज कएलगेल छै । जाहिकेँ मधेशबादी दल आ दलस’ सम्बद्ध अगुवा नेता, दल लगुवा, पछुवा आ सटुवा, भगुवासभ बिरोध समेत कएलक ।

स्मारकमे सुरक्षार्थ स्थायी प्रहरी बीट निच्चामे रहत । आठ फिट गोलाकार घेरामे रेलिंग, सौन्दर्यीकरण हेतु प्रकाशके व्यवस्था एवं देखनहुत स्मारक एवं आकर्षक भानुभक्तके प्रतिमा एवं चौक रहत । तेनाक निर्माण काज कएल जाएत । मेयर साह कहलाह ।

साढ़े २० लाखके लागतमे चालु आबमे स्मारक निर्माण काज पुरा होएत । जेहन स्मारक पहिने छल तेहने बनत । जनकपुरधाम उपमहानपाके बई बीरेन्द्रकुमार यादव सीमाञ्चल समदियाके जनतब देलाह ।

मधेशवादी दलस’ सम्बद्ध पुरनका काँग्रेसी आ टटका मधेशी लालकिशोर साह जनकपुरधाम उपमहानगर पालिकाके मेयरमे विजयी भेला पर पुरान पहिचान आरो मेटाबके काज कएलाह । शहरी विकास आयोजना अन्तर्गत पीच ढलान करैत स्मारक स्थललग हाइमास्क लाइटके पोल गाडि़क स्मारकके चेन्हासी मेटाबके काज कएलक ।

नइ भानु भक्त नइ रमेश महतोकेँ लसेर रह देलक । जनकपुरधाम उपमहानपाके वर्तमान मेयर मनोज साह जनकपुरधामके पुराण परम्पाराके जीवन्तता हेतु राष्ट्रिय गौरवकेँ ऊँच्च करब हेतु सार्थक प्रयास करहलाह ।

अधिकांश जनता भानु भक्तके जयजयकार लगबैत स्मारक निर्माणके पक्षमे रहल संकेत दैत प्रतिबद्धतापूर्वक अड़ाइर करब हेतु ठाढ़ रहल आ आगुओ खाड़ रहत । से धारना स्मारक निर्माण उपभोक्ता समितिके अध्यक्ष प्रभुदयाल जालान बतौलाह ।

प्रथम मधेश आन्दोलन क्रममे सहादत भेल शहिद रमेश महतोकेँ नाम पर हुनक प्रतिमा राइखक स्मारक बनक चाही ओहन मांग पर मधेशपक्षधर लोक उतरल देखलगेल ।

जनता समाजवादी पार्टी नेपालके युवा नेता पूर्वप्रादेशीक मन्त्री ज्ञानेन्द्रकुमार यादव-रमेश महतोकेँ स्मारक बनते आ ओकरे नाम पर चौक रहतै नइ त’ स्मारक बन नइ देब ओ दाबी कएलाह ।

ततहि प्रदेशके पूर्व संसद लोसपाके युवा नेता परमेश्वर साह-‘मधेश आन्दोलनके पहिचानस’ जुड़ल नाम शहिद महतोकेँ छै । ओहिके बुताए नइ देब’ बजलाह । नेपाल प्रहरी , सशस्त्र प्रहरी सहित सुरक्षा निकायक सबअङ्ग विभिन्न रुपमे तटस्त भेल छल ।

समान्य दूनुपक्षबीच धक्का-मुक्की आ बतकटौवल पछाइत मेयरसंग सर्वदलीय बैसार करब सहमति बनल शीलान्यास काज जहिना पुरा भेल तहिना स्मारक निर्माणक काज सेहो पूर्ण होएबे करत ।