सीमाञ्चल समदिया
जनकपुरधाम । उद्योगी ब्यवसायी सबहक बैसारस’ कानुन व्यवस्थाकेँ खील्ली उड़ब सुनिश्चित भेलास’ जनकपुरधाम जनकचौक क्षेत्रमे विशेष सुरक्षा व्यवस्था कएलगेल छै । कोरोना महामारीकेँ ओजहस’ स्थानीय प्रशासन धनुषा जिला भैरमे निषेधाज्ञा एकपन्द्रहियास’ जारी कएने छै । पहिनेस’ निर्धारित समय अनुसार बन्दाबन्दी आगामी १५ गते धैर कायम छै ।

बन्दाबन्दी नामकेँ लेल छै , मात्र दोकानसभ खुल्बन्द छै , नोका चोराक सब किछु सभकेँ होइते छै । मात्र व्यापारी ब्यवसायीसभकेँ पैघ समस्या छै । ओइ प्रति राज्यकेँ कोनो निकायकेँ कोनो चांइख नइ रहल आरोप लगबैत जनकपुर चेम्बर अफ कमर्श बृहस्पति दिन जनकचौक पर उद्योगी-ब्यापारीसभ संगे छलफल-बैसार करब बात सार्वजनिक कएने छल । जाहिस’ डेराक कही अथवा सर्तकता अपनाब लेल प्रशासन चेम्बर्सकेँ कार्यक्रम सफल नइ हुअ दिअ लेल आइ अधिक संख्यामे प्रहरीकेँ सक्रिय करौने छै ।

चेम्बर्सद्वारा आह्वान्वित उद्योगी, ब्यवसायीसबहक बैसार हुअस’ पहिनही स्थानीय प्रशासनद्वारा सुुरक्षा ब्यवस्था बढ़ाओल गेल छै । जाहिस’ बजार खोलब अथवा बन्न राखब सम्बन्धमे उद्योगी व्यवसायीसबहक आपसी राय सल्लाहबाला जमघट सफल नइ हुअ सके । तेनाही प्रहरीसब परिचालन कएल गेल छै ।
जनकचौकमे कोनो सवारी साधनकेँ प्रवेश रोकल गेल छै । आबाजाही करएबालाकेँ अधिक केरकार/पुछताछ कएल जारहल छै ।