सीमाञ्चल समदिया,
जनकपुरधाम । नेपाल-मिथिलाकेँ सभ्यता संस्कृतिस’ जुड़ल जनकपुरधामके पहिचानमुखी धरोहर जानकीमन्दिर कम्पाउण्ड भितर राखल विभिन्न प्रचार-प्रसार सामग्री होडिङ्ग बोर्डसभ सचेत युवासभव्दारा आइ हटाओल गेल छै ।

ऐतिहासिक, धार्मिक, पुरातात्वि एवं सांस्कृतिक पहिचान मूलक स्थलसभ पर कोनो तरहक प्रचार-प्रसार सामग्री नइ साटल जाए , कोनो पोष्टर, पम्पलेट एवं होर्डिङ्गबोर्ड नइ लगाओल जाए, ओ आग्रह सहितके चेतौनी दैत एतुका जनउसासी युवासभके एकटा समूह मन्दिर परिसरस’ तेहन प्रचारयुक्त बोर्डसभ हटौलक अइ । सचेत युवासभ मादे ई एकटा साकारत्मक काज कएलगेल छै ।

धार्मिक स्थलमे किछुए टाकाके लेल जानकीमन्दिर स्वयं मौन सहमतिमे एहन काज करब हेतु स्वीकृति दैत छै । जाहि पर विराम लागब, लगाएब आवश्यक छै । प्रदेश दू सरकार जतेक काज नइ करैत छै ओहिस’ अधिक ओकर मुखिया अपन फोटो टङ्गबाक जश लुट चाहैत छै ।

ओहि लेल लाखो टाका खर्च कए धार्मिक स्थलमे होडिङ्ग बोर्ड लगबाबके तुच्छ काज करैत छै, ओ खेदजनक छै । एहन काज आब नइ हुअ चाही, युवासभ मन्दिर परिसरमे जुमल लोकक हुजुमस’ आग्रह करैत कहलक ।

समाज सुधारक युवा सरोजकुमार मिश्रकेँ अग्रसरतामे दर्जनो उसासी युवासब आजुक काजमे सक्रिय भ’क’  नेक काज कएलक ।
प्रदेश-२ के मुख्यमन्त्री लालबाबु राउत स्वक्षता अभियानके नाममे मात्र अपन प्रचार-प्रसार हेतु फोटो सहित अंकित होटिंग बोर्ड मन्दिर कम्पाउण्ड भितर लगाबके काज करबौने छलाह, एहन आरोप लगैत आएल छल ।

शौर्य सिमेन्ट, भिजिट नेपाल आदिके बेतुकी फोटो सहितको पोस्टर लगाएल होडिङ्ग बोड एवं अन्य प्रचार सामग्रीबाला बैनरसभ समेत छल, ओहोसब हटाबके काज युवा अभियानस’ जुड़ल युवा जमातसभव्दारा कएल गेल छै ।