सीमाञ्चल समदिया,
जनकपुरधाम । विश्व महामारीके रुपमे पसरल कोभिड-१९ कोरोना संक्रमणस’ २४ घण्टामे तीन हजार जतेक लोक संक्रमण मुक्त भेल छै । अइसंगे कोरोना संक्रमणस’ नीक हुअबालाकेँ संख्या नेपालमे कूल २लाख ९५ हजार ३ सय ९५ पुंगिगेल छै, जे शुभ सूचक बात छै ।

स्वास्थ्य तथा जनसंख्या मन्त्रालके आनेदिन जकाँ आइ सेहो सार्वजनिक कएने तथ्यांक अनुसार शुक्रदिन कोरोना संक्रमणस’ २ हजार ९ सय ५ गोटे मुक्त भेल छै । ततै चौबिस घण्टामे ९ हजार १ सय ९६ गोटेमे थप संक्रमणके पुष्टि सेहो भेल छै ।

पीसीआर एवं एन्टिजेन प्रविधिस’ परीक्षण कएल गेला पर उल्लेखित संख्यामे कोरोना संक्रमणके थप पुष्टि भेल छै । अइतरहें नेपालमे कूल संक्रमितके संख्या आइ ३ लाख ७७ हजार ६ सय ३ गोटे पुंगिगेल, स्वास्थ्य तथा जनसंख्या मन्त्रालय जनौने छै ।

अहितरहें बितल चौबिस घण्टामे कोरोना संक्रमणस’ ग्रसितसभ मादे ५० गोटेकेँ मृत्यु भेल छै । वर्तमानधैर नेपालमे कोरोना संक्रमणस’ मरएबालाकेँ संख्या ३ हजार ५ सय ७९ पहुँच गेल छै सेहो जनतब भेटल अइ ।

कोरोना महामारी अइरुपमे बिकराल भरहल छै जाहिस’ संक्रमीत आ मृतककेँ संख्यामे नितदिन बढोत्तरी भरहल छै । तैँ सर्वसाधारणकेँ हिम्मत नइ हारिक सरकारकेँ बताओल निर्देशनके पालन करैत घरमे रहि सुरक्षित रही, बाहर जाहि परे त’ मास्क लगाक मात्र बहराइ ।

दू मीटरके दूरीस’ कोनो लोकस’ बनाक रही । बचाब आ सर्तकता एवं आत्मविश्वास एवं जागरुकता मात्र कोरोना संक्रमणस’ हमरासभकेँ बंचाब सकैए,अइ बातकेँ गिरह पाइर लिअ चाही ।