सीमाञ्चल समदिया 
जनकपुरधाम । चाइर सन्तानकेँ एकैबेर जन्म दिअबाली माय आइ संसारस’ विदाह भगेलीह ।
धनुषा जिलाके विदेह नगरपालिका वार्ड नं७ जोगीयारा गामके अरमाना खातु्न मङ्गल दिन बेरियामे ४ टा शिशुकेँ जन्म देने छलीह । शल्यक्रियाद्वारा जन्मासुत भेल छल ।

महिलाकेँ स्वास्थ्य अवस्था गम्भिर बनला पर भेन्टिलेटरमे राखल गेल छल । विशेष चिकित्सक सभकेँ निगरानीमे रहलाबादो खातुन बाँइच नइ सकलीह । बुधदिन दुपहरियामे हुनक मृत्यु भगेल ।

खातुनकेँ फेफरामे पानी एवं करेजामे खून जैमगेल छलैक । चिकित्सकीय भाषामे ‘पलमन्ड्री एडिमा’ देखला बाद शघन उपचारकक्षमे भेन्टिलेटरमे राखिक उपचार होइत छल ।
जनकपुरधाम वार्ड नं.९ स्थित काव्या अस्पतालमे प्रसौती लेल भर्ती कएलगेल छल । खातुनकेँ मङ्गलदिन स्त्री तथा प्रसुती रोग विशेषज्ञ डा. सोनिया सिंह शल्यक्रियाद्वारा जन्मासुत करौने छलीह ।

३ बेटी आ १ बेटाकेँ जन्मासुत नीके सुके भेल । तीनु बालिका शीशुकेँ तौल सवा-सवा किलो एवं बाल शीशुकेँ तौल डेढ़ किलो रहल छै ।
बच्चासभकेँ तौल कम भेने कमजोर आ माय सेहो रहने विशेष निगरानीमे राखल गेल छल । तथापि माय बाँच नइ सकलीह । बच्चासभ सेहो आइसीयूमे भर्ती रहल जनतब काव्या अस्पतालके सञ्चालक डा.एस.के.सिंह बतौने छैथ ।