सीमाञ्चल समदिया,
जनकपुरधाम । जनकपुरधाम उपमहानगर पालिका वार्ड नं.२३मे गुठी हकिमके बदमासीस’ आक्रमण भेल छै । वार्ड नं.२३ अन्तर्गत रहल दुलहा दुलहीन मन्दिर बेलाकुट्टी अधिनस्तके जग्गह अतिक्रमणकारीसभ गुठी हाकिमके लसरघण्टीमे जनप्रतिनिधि समेत पर इंटा पाथर प्रहार क’क’ लोककेँ घाहिल बनौने छै ।

भेटल जनतब अनुसार गुठीके जग्गह अतिक्रमण क’क’ घर बनारहलके रोकब एवं अतिक्रमण मुक्त जग्गह कराएब हेतु बैसार बजाहट कएने छल । सोमदिन बेरियामे तीन बजेके गुठी कार्यालय जनकपुरधामके कार्यालय प्रमुख बैकुण्ठप्रसाद रेग्मीस’ भेटघांट कएलाह ।

भेंटघांट भेला पछाइत बेलाकुट्टीमे आइए सांझमे ६ बजे छलफल एवं अनुगमन हेतु चलल जाए मौखिक सहमति कएलाह । वार्ड नं.२३के अध्यक्ष राघबेन्द्र प्रसाद साह सहितके स्थानीय लोक किछु सञ्चारकर्मीकेँ बजौने छल । मुदा जे बात हाकिम रेग्मी अतिक्रमणकारीकेँ जाएस’ पहिनही अवगत करादेने छल ।

ओतह पुंगला पर गुठीअधिनके सरकारी भूमि अतिक्रमणकारीसभके स्थानीय अगुवाकेँ पूर्व सूचना ददेल गेल छल ओ लोकके आक्रमनी जमघट रबैयास’ आपरुप फरिछाएल ! अतिक्रमणकारीसभ हेंज बनाक इंटा पाथरसभस प्रतिबन्धित अस्त्रस’ आक्रमण वार्ड नं.२३के अध्यक्ष राघबेन्द्र साह सहित पर प्रहार करए लागल । महिलासभ मीरचाइके बूकनी सेहो जनप्रतिनिधिसभ पर फेकलक ।

एहितरहें अनुगमन एवं छलफल चुपचाप करब कहिक अतिक्रमणकारीसभकेँ जनतब पहिने कोनाक ददेल गेल ? अइ पर गुठी कार्यालय प्रमुख रेग्मी मौन भगेलाह । हमरासभकेँ इंटा पाथर नइ लागल ।

हमसभ एम्हररहिगेलीए..(‘ठुङ्गामुढा भएको तर मलाई लागेन’ म उता गइन !’) नेपाली भाषामे सीमाञ्चल समदियाकेँ प्रश्नके बारेमे एतेबे उत्तरा दैत, गुठी कार्यालय प्रमुख रेग्मी अपन सहयोगी तीनुगोटे सहित बेलाकुट्टी लगस’ लंक लाइगक भगलाह ।

गुठी जग्गह अतिक्रमण कएने एवं स्थानीयवासीबीचके तनाबके सहज बनाबके काज वार्ड अध्यक्ष साह कएलाह । एवं तत्काले धनुषाकेँ सिडियो सुरेन्द्र पौडेल, एवं उसपी तथा गुठी हाकिमके रण छोइरक भाइग गेला पछाइत जनतब देबके काज कएने अध्यक्ष साह बतौलाह ।

अतिक्रमणकारी’ भूमि अतिक्रमण मुक्त कराब सम्बन्धमे एहे जेठ बितल १६ गते सात दिने सूचना जनकपुरधाम वार्ड नं.२३स’ प्रकाशित कएलगेल छल । जिनकालग जे प्रमाण छै ओ लक’ वार्ड कार्यालयमे सम्पर्क कएल जाए ।

कोनो प्रमाण नइ रहल लोक १५ दिन भितर अतिक्रमित भूमि खाली करी, सूचनामे कहलगेल छल । जे पत्र सम्बन्धित सभ निकायके देलगेल छल । सूचनाके समय अवधि आइ जेष्ठ ३०गते समाप्त भेल ।

तहिस’ वार्ड अध्यक्ष साह नेतृत्वमे जनकपुर गुठी प्रमुख बैकुण्ठप्रसाद रेग्मीस’ पहिने समय ल’क’ भेट गेल छल । मुदा गुठी कार्यालयमे रेग्मी नइ छलाह । फोनसम्पर्क कएला पर वियाह मण्डपमे छी एतहि आएल जाए । ओतहि भेंटघांट भेला पर स्थलगत अनुगमन करब विषय पर सहमति कायम भेल,ओहो जनतब भेटल ।