सीमाञ्चल समदिया,
जनकपुरधाम ।
समाजिक क्षेत्रमे क्रियशील श्रीगणेश युवा कमिटी चुनाव हुअस’ पहिनही बहुत राश महत्वपूर्ण पदमे सहमति कायम भगेल छै । सम्मति बनल अनुसार अध्यक्ष सचिव, कोषाध्यक्ष एवं कार्यकारणी समितिके सदस्यसभ सर्वसम्मतिस’ चयन भेल छै ।

निर्वाचन आयुक्त दिपेन्द्रकुमार साह जनतब देलाह । हुनक अनुसार कमिटीकेँ प्रमुख खम्हा अध्यक्ष पदमे पूर्वअध्यक्ष सन्तोषकुमार साह चयन भेल छैथ । तहिना कोषाध्यक्ष पदमे शुसान्त गुप्ता,सचिवमे सञ्जिव कुमार गुप्ताकेँ सर्व सम्मतिस’ चयन कएलगेल छै ।

का.का.सदस्यससभमे रजितकुमार गुप्ता, सरोजकुमार भण्डारी, मनोजकुमार पुर्वे, श्रीराम साह, विसेश्वर महासेठ ‘रोशन’, हेमन्तकुमार महासेठकेँ सर्व सम्मतिस’ चयन कएल गेल छै ।
कमिटीद्वारा गठीत निर्वाचन समितिके निर्वाचन आयुक्त दिपेन्द्रकुमार साहके अनुसार आब शैन दिन उपाध्यक्ष एवं महासचिव पद लेल चुनावी प्रतिस्पर्धा होएत । उपाध्यक्षपदमे एक्कहि नामके दूटा व्यक्ति प्रतिस्पर्धामे उतरल छै ।

कमिटीकेँ पूर्वकोषाध्यक्ष टीभीबाला पत्रकारस’ चर्चित सञ्जयकुमार साह आ पुरीबालास’ चर्चित कमिटीके सेवक सञ्जय साहु(पुरी) छै । तहिना महासचिव पदमे बलरामकुमार साह आ भरतकुमार साहबीच प्रतिस्पर्धा होएत ।